ENQERE – Navenda Giştî ya ÎHD'ê têkildarî gefên ku Wezîrê Karên Hundir Suleyman Soylu li Hevseroka Giştî ya HDP'ê Pervin Buldan xwar û CHP kir hedefa xwe daxuyanî da û got: "Li hemberî vê yekê hêj hikûmet bê deng e. Em di şexê Soylu de bi polîtîkaya hikûmetê ya nû re rû bi rû ne." 

 

Navenda Giştî ya Komeleya Mafên Mirovan (ÎHD), der barê gefên Wezîrê Karên Hundir Suleyman Soylu ku li Hevseroka Giştî ya HDP'ê Pervin Buldan xwar û rêveberên CHP'ê kirin hedefa xwe daxuyaniyek nivîskî weşand. ÎHD'ê, bi ser navê “Daxuyaniya mecbûrî ya der barê wezîrê Karên Hundir Suleyman Soylu" daxuyanî da û wiha got: "Daxuyaniyên Wezîrê Karên Hundir Suleyman Soylu hem beriya hilbijartinê û hem jî piştî hilbijartinê daxuyanî dan û gef xwarin. Ev yek bi tu awayî nayê qebûlkirin. Bi awayekî ku dizane Wezîrê Karên Hundir e û wezaretê dide pişta xwe û van daxuyanî û gefan dixwe. Hedef nîşan dide. Ev yek bi tu awayî nayê qebûlkirin. Li aliyê dih hikûmet û partiya wî ev helwest rexne nekiriye û li hemberî vê yekê bêdeng maye. Bi vê bêdengiyê piştgiri daye van daxuyani û gefan. Ji ber vê yekê di şexsê Suleyman Soylu de em bi polîtîkaya hikûmetê ya nû re rû bi rû ne."

 

DAXUYANIYÊN SOYLU YÊN SÛC IN

 

Dema em balê bikişînin ser daxuyaniyên Soylu ên sûc in daxuyaniyên sûc wiha ne: 

 

* Di 3'ê Çileya 2018'an de li Enqereyê di civina têkoşîna bi tiryakê re daxuyanî da û ji polîsan xwest ku nikê şikdar û gumandaran bişkîne. Ev daxuyaniya Soylu li gorî xala TCK 214'an sûc e. Dîsa şikandina piyan, li gorî xala TCK 94'an sûcê îşkenceyê ye. li gorî xala TCK 86'an jî sûcê birîndarkirinaı kes e. 

 

* Der barê Nuriye Gulmen û Semih Ozakça yên bi KHK'ê ji kar hatin dûrxistin, hêj darizandina wan bi dawî nebûbû Soylu ew wekî terorist pênase kirin. Di encamê de Semîh Ozakça hat beraetkirin, Nuriye Gulmen jî cezayê jê tê xwestin li Dadgeha Îstinafê tê rawestandin. 

 

* Di 14'ê Hezîrana 2018'an de li navçeya Pirsûs a Rihayê parlamenterê AKP'ê Îbrahim Halil Yıldız û xizmên xwe bi çekan êrîşî esnaf kirin û di bûyerê de 4 kesan jiyana xwe ji dest dan. Hêj lêpirsîn nehat kirin Wezîr kesên hatin kuştin  wekî PKK'î pênase kirin. Dîsa 25 rêxistinên civakî yên di navde Baroya Amedê, Odeya Bazirganiyê ya Amedê, Vakfa Mafên Mirovan(TÎHV) û ÎHD jî di navde hebûn wekî alîgirê rêxistinê pênase kir. 

 

* Di daxuyaniya xwe de diyar kir ku Hevserokê Giştî yê berê yê HDP'ê û Namzetê Serokomariyê Selahattin Demirtaş terorist e. 

 

* Piştî hilbijartinê têkildarî bûyera li Bazîdê ya Agirî ku kesê bi navê M.B. ji aliyê kesên nediyar ve hatin kuştin bi telefonê li Hevseroka Giştî ya HDP'ê Pervin Buldan tawanbar kir û gefên kuştinê lê xwarin. 

 

* Disa gef li rêveberên  CHP’ê xwarin û ferman da ku tev li cenazeyên şehîdan nebin. 

 

EWLEHIYA CANÊ KESÎ TUNE YE

 

ÎHD'ê di berdewama daxuyaniyê de anî ziman knu ewlehiya canê tu kesî tune û ev daxuyanî polîtîkayên hikûmetê nîşan dide. Li Tirkiye wezîrê karên hundir wekî rêxistina sûc daxuyaniyê diden. Li ser van gefan ewlehî tune.  Li Tirkiye dozger raste rast van kesan diparêze. 

 

* Em dê her dem mafê mirovan biparêzin û jibo vê yekê tebikoşin. Em dê her dem mafê gerdûnî û pîvanên gerdûnî yên mafen mirovan biparêzin.