STENBOL - Danişîna doza xwendekarên Lîseyê Bariş Kerem û Oguzhan Erkul ên polîsan sala par li navçeya Sultangazî qetil kirin hat dîtin. Di danişînê de mexdûr û şahid axivîn. Dadgehê der barê polîsan de biryara bi zorê bînin danişînê da. 

 

Danişîna doza xwendekarên Lîseyê Bariş Kerem û Oguzhan Erkul ê polîsan sala par di 14'ê Nîsana 2017'an de li Parka Kend Orman a li navçeya Sultangazî ya Stenbolê kuşt, hat dîtin. 2'emîn danişîna doza kujerên Bariş Kerem û Oguzhan Erkul  li 1'emîn Dadgeha Cezayên Giran a Stenbolê berdewam kir. Di danişînê de 4 polîsên bersûc amade nebûn. Lê parêzerên aliyên dozê amade bûn. Dîsa li salona danişînê dayika Barış Kerem Melike Altinışik, û dayika Oguzhan Erkul Seyran Erkul û xwişka Ogushan Figen Erkul, Ramazan Alturk, D.E., B.Y.  yên birîndar bûn û malbatên wan jî amade bûn. 

 

‘POLÎSAN ÇÊR KIRIN Û ÊRÎŞÎ MIN KIRIN' 

 

Piştî tespîta nasnameyan ewil îfadeya D.E. û B.Y yên birîndar rizgar bûn stendin. Ji ber temenê wan kêmî 18 salî bû di çavdêriya pedagog de hat girtin. D. E. îfade da û got: "Em li Parkê 5 kes bûn. Em rûniştibûn û me sohbet dikir.  Em li ber deriyê parkê bûn. Dema em ji parkê derketin em vîrajê zîvirîn û me polîsên kom dît. Me lambeyên maşîneyê pêxist. Li derve jî lambe hebûn. Me polîsê yekem derbas kir û li ber polîsê duyemîn rawestiyan. Her tişt pir bi lez pêk hat. Polîsan çêr kirin û bi ser me de hatin. Ez ketim panîkê. Gotin 'Hûn tev bigerin em dê gule berdin we." 

Dema li derve nerîn dizanîbûn em zarok in. Piştre min bêl xazê kir. Maşîna zirxî ez asê kirim. Ez derketim peyarêyê. Metreyek şûnde li ser me gule barandin. Min got belgî guleyên plastîk in. Piştre em çûn nexweşxaneyê. Dema em çûn nexweşxaneyê polîsan hatin îfadeya me girtin. Li ser min geriyan. 

 

PEDAGOG: BANDOREK NEYÎNÎ LI SER JIYANA WAN KIRIYE

 

Piştî D.E. îfade da, Pedagog Esra Nihan Pridge jî mafê axaftinê girt û diyar kir ku zarok di nava travmayê dene û vê bûyerê bandorek pir neyînî li ser jiyana wan kiriye. Hat tespîtkirin ku herikîna jiyana wan hatiye guheritn. Herina wan a li jiyanê û baweriya wan hatiye hejandin. 

 

‘MIN JI TIRSAN XWE  BI TEMBÛRÊ VE GIRÊ DA' 

 

Şahid B.Y. jî wiha got: “Em bi hevre li îskeleyê rûniştin û me got em li tembûrê bidin. Em nêzî deriyê parkê li cihekî rûniştin. Piştî em derketin em rastî polîsan hatin. Birayê Ramazan ê li ge me got vana ne polîsê trafîkê ne. Herî zêde dê li ser me bigerin. Me camê erebê daxist û lambeyên erebê pêxist. Em hêdî diçûn. Piştî em gihştin derî me xiza wê kêmtir kir. Polîs bi ser me de hatin û em tirsiyan. Me polîsê yekem derbas kir û em li cem polîsê duyem rawestiyan. Min ji tirsa tembûr xist hembêza xwe. panzêr derket pêş me. Piştî ajokar  direksiyon şikand û derbas bû polîsan li ser me gule reşand. Oguzhan Erkul li pişt erebê bû gule lê ket û jiyana xwe ji dest da. Pişter em çûn nexweşxaneyê. Li pêş nexweşxaneyê hemşîreyan Ramazan û Oğuzhan ji maşîneyê daxistin. Polîsan hatin ez li nexweşxaneyê binçav kirim. Min li qereqolê îfade neda. Piştre ez li nêzî serê sibê hatim berdan. 

 

 

şahid Muslim Kızıldag,  jî diyar kir ku wî kêliya dawî ya bûyerê dît û wiha got: "Ez wê rojê di ketina parkê de peywirdar bûm. Li ser ixbarê 2 maşîneyên polîsan hatin cihê bûyerê. Rê birîn. Maşîneyek reş nêzî cihê kontrolê bû. maşîne rawestiya û polîsan deriyê li pişt vekir. Piştre dengê çekan hat. Di navbera min û wan de 30 metre mesafe hebû. Çek li ser hev teqiyan. 

 

Piştî heyeta dadgehê li îfadeya şahidan guhdar kir biryar da ku polîsên bersûc Ahmet Bilgin, İsmet Özer, Tuncay Aydemir, Cemal Tuncer û Levant Ayhan ên serbest tên darizandin bi zorê wan tev li danişînê bikin.

 

Danişîna dozê taloqî 8'ê mijdarê kirin.