WAN - Ji ber pergala hilbijartinê ya tifaqa AKP û MHP’ê pêş xist, HDP’ê li Wanê, Idîr û Erziromê sê wekîl winda kirin.
Pergela hilbijartinê ya nû ya tîfaqa AKP û MHP’ê encamên hilbijartina 24’ê Hezîranê ya Serokkomariyê û serdama 27’emîn a Parlamenteriyê diyar kirin. Li gorî rêjeya hat ragihandin, ji ber tifaqên hatin avakirin Partiya Demokratîk a Gelan (HDP) li Serhedê 3 wekîl winda kirin. HDP’ê ji ber tîfaqên hatin avakirin, li Wan, Erzirom û Idirê 3 wekîl winda kirin.
WEKÎLÊN HDP’Ê JI BO AKP’Ê ÇÛN
HDP’ê li Wanê ji sedî 59 rêjeya dengan û 313 hezar deng girtin û 5 parlamenter derxistin. AKP’ê bi 197 hezarî 2 wekîl derxistin, MHP’ê 16 hezar deng girtin û di saya van dengan de derket 183 hezar û 800’an û 3 parlamenter derxistin. Ligel ku HDP’ê ji 1’ê Hezîranê zêdetir deng girtin jî, ji ber tifaqên hatin avakirin, parlamenterek ji bo AKP’ê çû.
LI IDÎRÊ JÎ WEKÎLEKÊ HDP’Ê JI BO AKP’Ê ÇÛ
Li Idirê, HDP ji bo 2 parlamenteran bişîne meclîsê xebitî, lê heman encama li Wanê li vê derê jî derketin holê. Li Idirê HDP’ê ji sedî 44 deng girtin. HDP’ê bi rêjaya dengên 41 hezar û 543’an parlamenterek derxist. Li bajêr MHP ku bû partiya duyemîn 22 hezar deng girtin. Lê ji ber tifaqa AKP’ê 19 hezar deng girtin, nehişt ku HDP 2 parlamenteran derbixwe. Li bajêr 96 hezar deng hatin dayîn, 28 hezar hilbijêr neçûn ser sindoqan.
LI ERZIROMÊ JÎ HDP’Ê WEKÎLEK XWE BI BER DEST TIFAQA MÎLET VE BERDA
HDP’ê ji ber tîfaqên hatin avakirin, li Erziromê jî wekîlek winda kir. Ligel hemû astengiyan jî HDP’ê hejmareke zêde ya denga girt, lê HDP’ê ji ber tifaqên hatin avakirin wekîlek winda kir. Ji 6 parlamenterên bajêr tifaqa AKP û MHP’ê 5 hep derxistgin. HDP’ê jî parlamenterek derxist û ji ber tifaqan wekîlîk winda kir. HDP’ê li bajêr ji sedî 12 deng girtin. IYÎ Partî ji sedî 8 û CHP’ê jî 19 hezar deng girtin. Ji ber vê HDP’ê wekîlek xwe bi ber destê tifaqa mîlet ve berda. IYİ Partî wekîlek HDP’ê ji xwe re bir.
COLEMÊRG TÊ Û DIÇE
Li Colemêrgê jî, tifaqa AKP û MHP’ê zorê dan ku cara yekemin parlamenterekê bistînin. Hilbijêrên dibin zext û gefan de çûn ser sindoqan, 98 hezar hilbijêran deng dan HDP’ê. Tifaqa AKP û MHP’ê 33 hezar deng girtin û xwe da zorê ku parlamenterekê derbixîne. Li hin cihan tê nivîsan ku parlamentên bajêr 2-1, lê hin cihan jî weke 3-0 tê nivîsna. Lê di esasê xwe de ev yek dê di biryara YSK’ê ya di 5 Tîrmehê de bide, dê diyar bibe.