NAVENDA NÛÇEYAN – Ekrem Îmamoglû, der barê serdana Hevserokên DEM Partiyê de daxuyanî da. Îmamoglû di daxuyaniyê de destnîşan kir ku ji bo aştî û çareseriya mayînde divê li Meclisê komîsyon bê avakirin.
Şaredarê Bajarê Mezin ê Stenbolê Ekrem Îmamoglû yê li Girtîgeha Marmarayê girtî, der barê serdana 19’ê Hezîranê ya DEM Partiyê de daxuyaniyek nivîski da.
Îmamoglû di daxuyaniyê de diyar kir ku serdana Hevserokên DEM Partiyê Tulay Hatîmogûllari û Tûncer Bakirhan pir biqîmet û girîng bû û Îmamoglû, destnîşan kir ku der heqê pêvajoya çareseriya pirsgirêka Kurd, gavên pêwîst ên ji bo aştiyê, xwefesixkirina PKK’ê û gelek mijarên din de gotûbêj kirine.
DIVÊ LI MECLISÊ KOMISYON BÊ AVAKIRIN
Îmamoglû, di berdewamiya daxuyaniya xwe de ev tişt got: “Li gorî fikra min, ji bo çareseriya pirsgrêka Kurd bi rêgezên demokratîk divê gavên lezgîn bên avêtin û li Meclisê komîsyon bê avakirin.
SPASIYA DEM PARTIYÊ
Em ê bi hemû welatiyên xwe yên Tirk û Kurd re bi biratî û piştevaniyê ve raboriyê li dû xwe bihêlin û dahatûyeke hevpar ava bikin. Bi vê munasebetê, ez spasiya Hevserokên DEM Partiyê dikin ku hatin serdana min û fikrên xwe yên girÎng bi min re parve kirin.”