RIHA – Dayik Emine Şenyaşar, a li Navçeya Pirsûsê zilamên wekilê AKP'ê 2 kurên wê û hevserê wê kuşt, çû ser sirdoqê û dengê xwe da. Şenyaşar got: "Bila ev deng bi bereket be. Înşallah dê hilweşin û biçin."  

 

Dayik Emine Şenyaşar, a li Navçeya Pirsûsê zilamên wekilê AKP'ê yê Rihayê Îbrahîm Halîl Yildiz, di 14'ê Heziranê de kurên wê Celal û Adîl Şenyaşar û hevserê wê Hecî Esvet Şenyaşar kuştin, çû ser sirdoqê û dengê xwe da. Emîne Şenyaşar, li Lîseya Keçikan a Anadolu ya Fatîh Şîmşek dengê xwe avêt. Hilbijêrên hatin ser sindoqê sebir ji dayik Şenyaşar re xwest. Şenyaşar beriya deng bide got: "Xwedê tu vê zilmê qebûl neke. Bila ev deng bi bereket be. Înşallah dê hilweşin û biçin. Bila heqê me ji wan re nemîne. Dengê xwe nedin wan. Malbata min li ber çavê we qetil kirin. Hûn bêdeng man." Şenyaşar piştre çû ser sindoqê û deng da. Hat dîtin ku dengê Esved Şenyaşar  û kurên wê Adil û Celal ên hatin kuştin jî li heman dibistanê bû. Kurên wê yên birîndar Mehmet û Ferit Şenyaşar ku birîndar bûn jî ji ber birînên xwe nekaribûn bên ser sindoqê. Hat zanîn ku Fadıl Şenyaşar jî dê li girtîgehê dengê xwe bide.