ÎZMÎR - Namzetên HDP'ê yên Îzmirê bertek nîşanî bûyera li Pirsûsê pêk hat dan û diyar kirin ku ev bûyer encama polîtîkayên AKP'ê û civînên ku Serokomar Erdogan veşarî bi AKP'îyan re dike ye. Namzetan da zanîn ku ji ber gotinên Erdogan ên der barê HDP’ê de li Pirsûsê 4 mirovan jiyana xwe ji dest dane.
Li navçeya Pirsûsê ya Rihayê Wekilê AKP'ê Îbrahim Halîl Yildiz û zilamên xwe bi ser dikana esnaf Esvet Şenyaşar û kurê wî Celal û Adîl de girt û li ser wan gule reşandin. Di bûyerê de Bav Esvet û kurên wî Adîl û Celal Şenyaşar jiyana xwe ji dest dan. Kurê wan Fadil Şenyaşar jî piştî ji nexweşxaneyê derket li bez û bez hat girtin. Di bûyerê de birayê Wekîlê AKP'ê Îbrahîm Halîl Yildiz, Mehmet Şah Yildiz jî jiyana xwe ji dest dabû.
Namzetên HDP'ê yên Îzmirê bertek nîşanî bûyera li Pirsûsê pêk hat dan û diyar kirin ku ev bûyer encama polîtîkayên AKP'ê û civînên ku Serokomar Erdogan veşarî bi AKP'îyan re dike ye. Namzetan da zanîn ku ji ber gotinên Erdogan ên der barê HDP’ê de li Pirsûsê 4 mirovan jiyana xwe ji dest dane.
Namzetê HDP'ê yê Îzmirê Murat Çepnî, diyar kir ku li Pirsûsê li dijî hilbijêrên HDP'ê provokasyon pêk anîne û wiha got:
"Ev êrîş berdewam û encama daxuyaniyên hikûmeta AKP'ê ye. Ji destpêkê de ji bo HDP’ê di bin bendê de bihêlin polîtika pêş dixin.
Piştî encama hilbijartina 7'ê Heziranê de jî me dît ku li Pirsûsê 33 ciwanên sosyalîst kuştin."
‘EM NAYÊN LÎSTIK Û PROVAKASYONAN'
Çepnî, destnîşan kir ku ew dê neyên provokasyonan û wiha got: "Îktîdar dixwaze bi van provokasyonan encamekê bi dest bixe. Lê em destûr nadin ku îktîdar bi van lîstikan bigêje armanca xwe. Ji ber ku em êdî li hemberi van provokasyonan hişyar in.
EM DESTÛR NADIN
Namzeta HDP'ê ya Îzmirê Ayşe Yilmaz jî anî ziman ku ev yek ne tesadufî û bûyerek ji rêzê ye û wiha got: "Bûyera li Pirsûsê encama polîtîkayên nifrînê ye. Encama tirsa wê ye. Ji ber ku Erdogan dizane ku êdî diçe, bi dizî civînan pêk tîne û fermanê dide. Li Pirsûsê 4 mirovên me qetil kirin. Ev encama civînên AKP’ê yên veşarî ne."