ENQERE - DEM Partiyê têkildarî Komkujiya Qoçgiriyê daxuyanî da û got: “Em bi biryar in ku hafîzeya xwe ya dîrokî zindî bihêlin û têkoşîna xwe ya heqîqetê bidomînin.” 

 

Komîsyona Gel û Baweriyan a Partiya Wekhevî û Demokrasiyê ya Gelan (DEM Partî) bi boneya komkujiya 104 sal berê li Qoçgirî ya Sêwasê li dijî Kurdên Elewî hatiye kirin, daxuyaniyeke nivîskî weşand. 

 

Di daxuyaniyê de ji ewil kesên di komkujiyê de hatin qetilkirin hatin bibîranîn. Bi domdarî hate gotin ku bêyî ferq û cudahî jin, zarok, kal û pîr jî di nav de komkuijyeke mezin hate kirin. Daxuyanî wiha domiya: “Komkuiya Qoçgiriyê ne tenê di hafizeya herêmekê de, di hafizeya her kesên li dijî bêedaletî û zilmê li ber xwe didin de hêj zindî ye. Tiştên li Qoçgiriyê hatin jiyîn, di demên piştre de li Dêrsim, Mereş, Sêwas û Çorumê jî hatin jiyîn û ev komkujî hêj jî gelek êşên heta roja me didomin di xwe de dihewînin. Bi zindîhiştina hafizeya xwe ya dîrokî re em bibiryar in ku têkoşîna edalet û heqîqetê bidomînin. 

 

EM Ê BI DEMOKRASIYÊ TACÎDAR BIKIN

 

Di serî de sembolên berxwedana Qoçgiriyê Zerîfe û Elîşêr, em hemû kesên di komkujiyê de hatine qetilkirin bi rêzdarî bi bîr tînin. Dê têkoşîna me ya demokrasiyê ya li dijî zilmê bidome û em ê vê têkoşînê bi cîbicîkirina daxwaza wekhevî, edalet û azadiyê ya gelên me tacîdar bikin.”