WAN - Hevserokê Giştî yê HDP'ê Sezai Temellî, der barê daxuyaniyên Wezîrê Karên Hundir û Waliyê Rihayê yên têkildarî kuştina 4 kesên li Pirsûsê daxuyanî da û got: "Walî û Wezîr ragihandinê asteng dikin û rastiyan şolî dikin. Wezîr û Walî bi daxuyaniyên xwe gel dixapînin. Destûr nedin ku rastiyan tari bikin."
Hevserokê Giştî yê (HDP) Sezaî Temellî, li avahiya Partiya Herêmên Demokratîk (DBP) bi gel re hat cem hev û cejna gel pîroz kir. Temellî û namzetên HDP'ê li gel endam û rêveberên HDP û DBP'ê Dayikên Aştiyê, TJA û nûnerên rêxistinên civakî cejna gel pîroz kirin. Temelli, li vir bal kişand ser bûyera li Pirsûsê û wiha got: "Bi rojan e em gel li dijî provokasyonên wan hişyar dikin. Daxuyaniyên îktîdarê û Serokomar yên nifrînê rageşiyê zêde dike. Me meha remezanê derbas kir. Zimanê bi vî rengî li dijî vî olî ye. Heqareta li dijî vî olî ye. Meha remezanê hemû bawerî û olan digîne hev. Kijan bawerî dibe bila bile remezan tevan tîne cem hev. Lê zimanê wezîran mirovan dike dijminê hev. Li aliyekî HDP'ê wekî dijmin nîşan dide. Di meha remezanê de jî provokasyon berdewam dike. Mixabin li dijî me gelek êrîş pêk anîn. Li diji wêneyên me jî tahammul nakin. Herî dawî li Pirsûsê bûyerek bi êş derxistin.
'EM BI DENGEÊ XWE VÊ LÎSTIKÊ XERA BIKIN'
Gotinên îktîdarê mêtir eniya navbera civakê vedike. Divê em li dijî vî zimanî û van helwestan wekî 7'ê Hezîranê û 1 Mijdarê biçin ser sindoqan. Ez bang li hemû serokên partiyên siyasî, namzetên serokomaran û wekîlan dikim ji bo aştî, aramî û edalet bê Tirkiye hesas tev bigerin. Em hemû bi hevre rê li pêş van provokasyonan bigirin. Ger ku em dixwazin li vî welatî cejnê xweş derbas bikin, ger ku em dixwazin bi hevre bijîn, divê em li hev xwedî derkevin. Divê em bi hevre rê nedin van provokasyonan. Divê em destûr nedin vê kîn û nifrînê."
EM NABIN AMÛRÊ PROVOKASYONAN
Temelli, herî dawî bal kişand ser lîstikan û wiha got: Erdogan û AKP li gel wezîrên xwe her dem bi daxuyaniyên xwe gel dixapînin. Malbata ku 20 salin esnafiyê dikin û ji aliyê gel ve tê hezkirin wan cuda pênase dikin. Rastiyan berovjî dikin. Em dê tu carî destûr nedin provokasyonan û nebûn amûr. Gelê me ji bo van lîstikan xera bike divê di 24'ê Hezîranê de biçin ser sindoqan û bi dengê xwe vê listikê xera bikin."