ENQERE - Di ser bûyerên Gezî re 5 sal derbas dibin. Di bûyerên Gezî de bi milyonan gel li dijî talankirinê daketin kolanan. Di bûyeran de 11 kesan jiyana xwe ji des da. 5 sal derbas bûn, lê heta niha kujerên 11 kesan nehatine darizandin.
Di ser raperîna Gezî re 5 sal derbas dibin. Gelê Stenbolê û bi dehan bajarên Tirkiye bi armanca li dijî talankirinê dengê xwe bilind bikin daketin kolanan. Di bûyeran de 11 kesên daketin kolanan bi guleyên polîsan jiyana xwe ji dest dan. Lê 5 sal derbas bû hêj kujer nehatine darizandin û cezakirin. Li gorî daneyên ÎHD'ê 8 hezar kes di bûyeran de birîndar bûn. 11 kesan jiyana xwe ji dest da. Lê heta niha berpirsiyar û kujer nehatine cezakirin.
Polîs Ahmet Şahbaz ê li Enqere Ethem Sarisuluk kuşt, hat darizandin, lê tenê salek û 4 meh cezayê girtîgehê lê hat birîn. Piştre ev ceza kirin cezayê pereyan. Kujerên din hêj rastî ceza nehatine. Têkildarî vê yekê Aydin Aydogan ê di bûyeran de ji piyê xwe birîndar bû û hêj birîna wî didome, diyar kir ku berpirsiyar û kujer 5 salin ji darazê û darizanidinê direvin. Aydogan, anî ziman ku heta niha polîsê ku ew birîndar kiriye û berpirsiyar nehatine darizandin. Aydogan, destnîşan kir ku heta niha 6 dozgerên li dosyaya wî dinere hatin guhertin û wiha got: "Dozger Mehmet Selim Kiraz di lêpirsînê de pêşketin çêkirin û ber bi encamê bir ew jî hat kuştin. Walitiyê salek û nîvê Kiraz da rawestandin. Daraz vî karî pir dereng pêş dixin û hewaleyî hev dikin. Dixwazin kujeran winda bikin û bikin kesên faîl ne diyar.
5 sal derbas bûn, lê hêj dosya bi encam nebûn. Hewaleyi hev dikin. Em dê biçin Dadgeha Qanûna Bingehîn û em dê serî li DMME'ê bidin.