Namzetê rêza 4’emîn ê Partiya Demokratîk a Gelan (HDP) a Êlihê, Parêzer Mehmet Ruştu Tiryakî, li Falukteya Hiqûqî ya Zanîngeha Enqereyê mezûn bû û ji sala 2002’an û vir ve parêzertiyê dike. Tiryakî ji sala 2015’an ve di Lijneya Hilbijartina Bilind a HDP’ê de peywirdar bû. 

 

Tiryakî, diyar kir ku yek ji pirsgirêkên Tirkiyeyê yên herî mezin, pirsgirêka nebûna edaletêye û wiha axivî: “Mirov li Tirkiyeyê bi hesretek mezin li edaletê digerin. Êdî siyaset darazê birêve dibe û serbixwetiya xwe winda kiriye. Hemû mûxalîf hatin bêdengkirin, girtin û tesfiye kirin. Bi destê darazê siyaseta muxalifet tesfiye klirin û hîna ev hewldan berdewam bike. Yek ji armancên serekê yên HDP’ê, ji nû de hesta edaletê sererast kirine. Di serdema nû de, daraza nû ji bo me yek ji polîtîkayên bingehîne.” 

 

'ÊDÎ BAWERIYA MIROVAN BI YSK'Ê NE MA YE'

 

Tîryakî, derbarê ewlekariya hilbijartinê de jî wiha got: “Berî 5-6 salan baweriya mirovan bi OSYM’ê hebû. Lê tiştên derketin holê, baweriya heyî ji holê rakir. Baweriya mirovan bi YSK’ê dihat. Lê îro ev bawerî nemaye.

 

‘EM Ê SINDOQAN BIPARÊZIN'

 

Tîryakî, da zanîn ku ligel veguhestina sindoqan jî, ji bo gel dengê xwe bidin, wan xebat birêve birin û wiha dawî li axaftina xwe anî: “Desthilatdarî çawan ku sindoqan vediguhêze, emê jî ji bo gel dengên xwe bikar bînin, emê derfetên xwe seferber bikin. Veguhestina sindoqan astengiyên mezin ji bo bikaranîna dengdanê derdixine holê. Emê jî hemû derfetên xwe seferber bikin. Me dest bi perwerdehiyên muşahîtiyê kirin. Li ser her sindoqê em ê parêzerekê danîn. Em ê sindoqan biparêzin. Bi vê yekê em ê di 25’ê Hezîranê de dawî desthilatdariya AKP’ê ya meclîsê bînin. Ji bo serbixwetiya hiqûqî û pêşxistina edaletê tişta ji destê me bê em ê bikin û têkoşîna vê yekê birêve bibin.” 

 

MA / Metîn Yoksu