AMED - Danişîna doza 12 xwendekarên Zanîngeha Dicle ku li zanîngehê strana kurdî fîkandin û heta 27,5 sal ceza ji wan hat xwestin, derketin pêşberî dadger. Xwendekar Suat Mustafa Şencî, diyar kir ku polisan destê wî li pişt wî kelepçe kir û îşkence li wî kir. 

 

Xwendekarên Zanîngeha Dicleyê (DU), li kampusa zanîngehê strana "Çerxa Şoreşê" fîkandin. Bi hinceta srûda kurdî fîkandine der barê 12 xwendekaran de ji 8 salan heta 27,5 salan doz hat vekirin. Yekenîn danişina dozê li 10’emîn Dadgeha Cezayên Giran a Amedê hat dîtin. Di danişîna dozê de xwendekarên serbest tên darizandin, Muhammed Çetintaş,  Mazlum Buksel, Semra Ozmaskan, Huseyin Kaya, Çigdem Akar, Dîlan Dag, Ahmet Tumer, Zeynep Ozçelîk, Mazlum Tozan, Nuda Dogan, Suat Mustafa Şencî û Nazdar Gokçe û parêzerên endamên OHP'ê û 2 polisên muştekî made bûn. 

 

‘DEMA EM BINÇAV KIRIN EM DARP KIRIN'

 

Xwendekaran parastin kirin û sûcê li ser wan tê ferz kirin red kirin. Xwendekaran diyar kirin ku wan tu çalakî nekirine û ders boykot nekirine. Xwendekarên hatin binçavkirin diyar kirin ku dema polîsan ew binçav kirin destê wan li pişt wan kelepçe kirine û li wan dane. Xwendekar Huseyin Kaya, diyar kir ku bi piranî di satên nîvro de li baxçeyên fakulteyê digerin û li wir rûdinên û wiha got: "Dema ez û hevalên xwe li baxçe rûniştibûn, polîsek hat û ji hevalê min li vir raneweste. Ez wê demê ji wir çûm û ber bi Fakulteya Fenê ve meşiyam. Lê polîsan hat ez binçavkirim. Dema ez hatim binçavkirin, ez li dijî polîs derneketim. Min li zanîngehê tu çalakiyên dijzagonî nekir. Wekî di îdîanameyê de derbas dibe min srûda rêxistinê nefîkandiye. Ez beraeta xwe  dixwazim." 

 

ŞENCÎ: DESTÊ MIN LI PIŞT MIN KELEPÇE KIRIN' 

 

Xwendekar Suat Mustafa Şencî ku bi îdîaya srûda "Çerxa  Şoreşê" fîkandiye bi lêdanê hat binçavkirin jî parastin kir û wiha got: "Ez xwendekarê Fakulteya  Hiqûqê me. Min wê rojê felek stran fîkandin. Ne tenê ew stran. Gelek polîs li wir hebûn. Ez tenê bûm. Dema min tenê difîkand, polîsekî sivîl hat cem min û bela xwe di min da. Beyî ku bêje ez polîsim neheqî li min kir û çêr li min kirin. Bang li 8-10 kesên din kir û ew jî hatin çêr li min kirin. Xwestin min bi zorê bibin. Kulm li min dan. Destê min li pişt min kelepçe kirin û li serê min dan. Bi kulman li serê min û ruyê min dan. Li min îşkence kirin. Ez bê sûc im beraeta xwe dixwazim." 

 

Parêzerê Şencî Suleyman Şahin, jî diyar kir ku îdîaname li gorî usûlê nehatiye amadekirin û hemû sûcdariyên TCK û TMK'ê li dosyayê zêde kirine. 

 

Şahin, anî ziman ku gelo ji ber muwekilê wî fîkandiye îdîaname hatiye amadekirin ango li ser navê rêxistinê çalakî pêk anîye doz hatiye vekirin. 

Dozger xwest ji nûve her tişt bê lêpirsîn û li gorî rastiyê îdîaname bê rastkirin. Hemû dîmenên der barê bûyerê de di dosyayê de tune ye. Tenê mijara kiriye dozê di dosyayê de heye."

 

Prz. Bunyamin Şeker jî diyar kir ku li holê îşkence heye û xwest ev îşkence jî derbasî girtekan bibe. Dema serokê dadgehê got 'çima we berê serlêdana suc nekir'. Prz. Şeker jî got 'Me berê serlêdana sûckir, lê biryara bê şopandinê dan' Lê niha şahid û delîl jî li holêne."