ÎZMÎR - Di rojên dawî de Serokomar Erdogan di hemu mîtîngê xwe de Namzetê Serokomariyê yê HDP’ê Selahattin Demirtaş dike hedef û wî wekî berpirsiyarê kuştina 53 kesan tawanbar dike. Bavê Ekrem Kacerogluyê di bûyerên Kobanê de jiyana xwe ji dest da, Bedrettin Kaceroglu bertek nîşanî helwesta Erdogan da û got: "Yê ku ji polîs re got biçin çekê berdin bikijin ne Demirtaş bû."
Namzetê Serokomariyê û Serokê AKP'ê Tayyip Erdogan di hemû mîting û ziyaretên xwe de namzetê HDP'ê Selehatîn Demîrtaş dike hedefa xwe. Erdogan di her mîtîngê de bûyerên 6-8'ê Cotmehê yên Kobanê nû dike û Demîrtaş wekî berpirsiyarê kuştina 53 kesên di bûyeran de jiyana xwe ji dest dan nîşan dide. Malbata Ekrem Kaçeroglu, bertek nîşanî helwesta Erdogan dan û diyar kirin ku berpirsiyar Erdogan e. Bavê Kaceroglu Bedrettin Kaceroglu, diyar kir ku berpirsiyarê kuştina kurê wî û kesên din ne Demirtaş e û wiha got: "Em ji Serokomar Erdogan dipirsin û dibêjin; "Yê li Cizîr, Sûr, Nisêbîn û Efrînê sivîl kuştin kî bû? Li Efrînê kê sivil kuştin. Tenê kurê min Kaceroglu nehat kuştin. Li Sîlopî Dayika Taybet, Li Cizîrê Mehmet Tunç û li Pirsûs û Enqere komkujî pêk hatin. Faîlê kurê min tevi hemû dîmen û delîlan hêj nehatiye girtin. Hêj nehatiye darizandin. Demirtaş ne faîlêkurê min e. Erdogan dibêje berpirsiyar Demirtaş e. Wî sivîlên li Efrinê hat kuştin nedît qey? Yên li Efrînê kê kuşt? Çima hesabê wê napirse. Mijar ne tenê kuştina Ekrem. Mesele çivak ketiye çi halî. Divê her kes vê rastiyê bibîne."
HIKÛMET ZERARÊ DIDE GELÊ TIRKIYE
Kaceroglu, destnîşan kir ku hikûmeta niha bi van polîtîkayên xwe zerarê dide gelê Tirkiye û wiha lê zêde kir: " Yên dibêjin 'Fethullah Hocaefendi' wan wekî terorîst îlan dikin. Mirovên xwe ji ser pira avêtin xwar. Serê wan jêkirin.
DEMÎRTAŞ FERMAN NEDA POLÎSAN
Kaceroglu, destnîşan kir ku faîlê kuştiyan ne Demirtaş e û wiha bi dawî kir: "Wekî her mirovî erka xwe ya mirovahiyê pêk anî. Ez jî tevî 4 zarokên xwe wê rojê çûn cihê bûyerê. Em dê ji bo mirovahiyê bêdeng nebin. Em dê heta dawî bêjin mirovahî, aştî û biratî. Em ji Erdogan dipirsin 'Yê ku ferman da polîsan û gotin çekê bikar bînin û bikujin kî bû. Yê ku got gule berdin ne Demirtaş bû. Erdogan ev faşîst tev li hev kom kirin. Ekrem linç kirin. Em dibêjin hûn berê hesabê vê yekê bidin û kesên din tawanbar nekin. Li Pirsûsê ciwanên ku pêlîstok birin ji zorokan re hatin kuştiny. Li Cizîr, Sûr û Nisêbînê mirov hatin kuştin. Sebebê van kî ye. Bila Erdogan bersîva vê yekê bide. Em destûr nadin fitne û fesadiyê. Ji ber gotinên Erdogan ê Hilbijartinê tune reş dike û heriyê davê yê dora xwe."