ANTALYA - Hawirparêz Meral Geylanî, ya ji bo aştiyê 400 kîlomet re ji Enqerê heya Roboskî meşiya, bû namzeta HDP’ê ya Antalya yê. Geylanî ya 5 salan li Roboskê jiya û piştgirî da malbatan, diyar kir ku ji bo hemû gel û bawerî bi hev re bijîn û têbikoşin, bû namzeta HDP'ê.
Aktîvîsta Hawirparêz û aştîxwaz Meral Geylanî ya ji malbatek Kurd û Tatar tê, namzeta rêza 9’emîn a Partiya Demokratîk a Gelan (HDP) a Antalyayê ye. 20 salên Geylanî li Yenî Zalanda derbas bû. Li Yenî Zelanda ferî Îngîlîzî bû û dûre li Steîner Waldorfê sertifikaya rehbertiya civak û dîplomasiya perwerdÊ girt. Geylanî pişt mamostatî kir. Geylanî li gundên çotkariyê yên biyodînamîk ê Yenî Zelanda jiya û piştî dayîka wê jiyana xwe ji dest da vegeriya Stenbolê.
5 SALAN LI ROBOSKÎ JIYA
Gava Geylanî vegeriya Tirkiyeyê 34 welatiyên gundê Roboskî yê navçeya Qilabana Şirnexê di bombebarana balafirên şer ên TSK’ê de jiyana xwe ji dest dan. Geylanî li dijî vê êrîşê bedeng nema û bi hevalên xwe re 1’ê Îlonê Roja Aştiya Cîhanê ya 2012’an ji Enqerê heya Roboskî beşdarî “Meşa aştiyê” bûn. Geylanî piştî meşe li Roboskî bi cih bû û 5 salan li vê derê piştgirî da çalakiyên malbatan. Geylanî piştî hevalê wê yê aktîvîst hat girtin, ew bi xwe jî demek kin di girtîgeha Antalyayê de ma. Geylanî niha li Antalyayê dijî.
‘JI BO AŞTIYÊ DI HDP’Ê DEME’
Geylanî, diyar kir ku di tevahiya jiyana xwe de tim jiyana komîn mînak girtiye û wiha axivî: “Li Yenî Zelanda min çawan ji bo mafê Maoriyan têkoşiya, ez ê li vê derê jî ji bo mafê hemû gelan têbikoşim. HDP partiya jinane. Hemû gel dibin baskên xwe de dihewîne. Ez aktîvîsta aştiyê me. Di heman demê de ez endamê reta wijdanîme. Li vî welatî aştî parastin sûc tê hesibandin.”
‘DI PÊVAJOYA ÇARESERIYÊ DE HEMÛ KES DIHATIN ROBOSKÎ’
Geylanî, anî ziman ku gelê Roboskî deriyên dilên xwe ji wan re vekirin û wiha got: “Li ser vê yekê me biryar da ku em li Roboskî bijîn. Nêzî 400 kîlometreyan em ji Enqerê heya Roboskî meşiyan. Bi 5 hevalên xwe re di sala 2012’an de me biryar da ku em li Roboskî bi cih bibin. Li wê derê me erka xwe ya aktîvîstiya aştiyê pêk dianî. Di pêvajoya çareseriyê de hemû kes dihatin Roboskî.”
‘EM Ê BI HDP’Ê RÊ TÊKOŞÎNA XWE BERDEWAM BIKIN’
Geylanî, di dawiya axaftina xwe de wiha got: “Ji bo bi hemû gel û bawerî bi hev re bijîn û têbikoşin, bûm namzetê HDP’ê. Hemû tişt bi jinan diguhere. Emê bi HDP’ê re têkoşîna xwe berdewam bikin û emê hemû bi hev re qezenc bikin.”