* Jina civaknas û femînîst Feryal Saygiligîl, diyar kir ku hikûmet li şûna polîtîkayên jinê esas digere pêş bixe, polîtikayên malbatê esas digire pêş dixe û wiha got: "Ev polîtîkayên hikûmetê rê li pêş cînayetên jinê vedike. Li şûna polîtîkayên malbatê divê polîtîkayên mafê jinê esas bigire.
* 54 karkerên ku li navçeya Soke ya Aydinê ji ber mafê xwe yê sendîkayî xwestin ji SÎBAŞ’ê hatin avêtin, diyar kirin ku ew mafê xwe dixwazin û ji bo mafê xwe bi dest bixin dê têbikoşin. Ji karkeran Dilan û Muammer Yildiz diyar kirin ku heta mafê xwe bistînin dê têbikoşin.
* Jinên li taxa Degirmendere ya navçeya Menderez a Îzmirê dijîn bi komkirina tûyan û çêkirina dimsa tuyên debarê dikin. Arzu Korkmaz diyar kir ku ew ji xwezayê distîne û dîsa dide xwezayê.
* HDP li Şirnexê, ji bo gundên sindoqên wan hatin veguhestin, ên di dema qedexeyên derve de bi darê zorê koç kirin û koçerên derketine zozanan bibin ser sindoqan zend û bend badan.
* Namzetê HDP'ê yê Îzmirê Edip Kaya ku hej 17 salî bû ji înşaetê ket û seqet ma, diyar kir ku ji bo dawî li karkeriya zarokan û cînayetên kar bîne bû namzetê HDP'ê.
* 2 şivanên Urmiyeyî yên li gundê Nêrduşê yê Şemzînanê ligel 2 şivanên din ên gund rastî îşkenceya leşkeran hatin, diyar kirin ku her bi kurdî axivîn bêtir rastî îşkenceya leşkeran hatin. 2 şivanên din ku li qereqolê îfade dan jî diyar kirin ku ew leşkerên ku îşkence kirine nas dikin.
* Emrullah Ozdemîr ê di Komkujiya 10’ê Cotmehê de birîndar bû û 3 salin dermankirina wî berdewam dike, diyar kir ku ew di aştiyê de bi israrin û got: “Qedera Tirkiyeyê dê bi HDP’ê bi guhere. Ez banga piştevaniya ji bo HDP’ê dikim.”
* Namzeta parlamenteriyê ya HDP'ê Bîrgul Yildirim, diyar kir ku ew bi hevîne ku herî kêm 4 wekîlan li Dîlokê derxin û wiha got: “Em biçin parlamentoyê em dê bibin dengê jin û ciwanan."
* Doç. Dr. Orgen Ugurlu bal kişand ser tahrîbatên li ser ekolojiyê û guhertina bajaran û diyar kir ku li Tirkiye di guhertin û veguhertina bajaran de bi plan tev nagerin û di guhertina bajaran de her tişt dibin yek tîp û bi vê yekê re mirovan jî dikin yek tîp.
* Ji ber krîza aborî her diçe kûr dibe, welatî û esnaf jî dikevin nava krîzê. Welatî nikarin bikirin û esnaf jî nikarin bifiroşin. Ji ber krîzê esnafanên ku li Mêrsînê masiyan difiroşin, di meha remezanê de jî nekaribû masiyan bifiroşin. Masîvanan diyar kirin ku her sal di meha remezanê de bazara masiyan pir qelebalix bû, lê niha bazar xalî û vala ye.
* Kampanyaya hilbijartina HDP’ê bi pêşengtiya jinan bi rêve diçe. Jinên mal bi mal digerin her cihê diçinê rastî eleqeyek mezin tên. Hilbijêrek eleqeya nîşanê HDP’ê didin bi van gotinan vedibêje: “Ji bo HDP bendavê derbas bike, keça min dê ji Îzmîrê bê Enqerê dengê xwe bide.”
* Elewiyên li Mêrsînê, diyar kirin ku ew ê di hilbijartinê de dengên xwe bidin HDP’ê û gotin: “Em hêviyê di HDP’ê de dibînin û partiya hemû beşên cudane. Ji ber vê em ê piştgiriyê bidin HDP’ê.”
* Parlamenterê HDP'ê yê Girtî Îdrîs Baluken, ku ji ber axaftinek xwe ya li Xerpêtê heta 10 sal cezayê hepsê dihat darizandin ji dozê beraet kir. Heyeta dadgehê îmze avêt bin biryarek mînak û diyar kir ku Baluken mafê azadiya îfadeya ramanê bikar anîye.
* Berdevkê HDP'ê Ayhan Bilgen, dê li navenda partiya xwe der barê geşedanên hefteyî de civîna çapemeniyê pêk bîne.
* Rêxistinên HDP'ê yên gelek bajar û navçeyan dê tevî namzetên HDP'ê li gund, tax, navçe û bajaran xebatên hilbijartinê berdewam bikin. (12.00-20.00)
* Bi tevlêbûna Hevseroka Giştî ya HDP'ê Pervin Buldan, dê buroya navendî ya li ser kolana Cumhuriyetê ya Wanê bi girseyî bê vekirin. (16.00)
* Hevserokê Giştî yê HDP'ê Sezaî Temellî, di çarçoveya gera li Herêmê dê Êlihê ziyaret bike.