Hevserokê Giştî yê Partiya Demokratîk a Gelan (HDP) Sezaî Temellî, têkildarî helwesta Serokê AKP'ê Tayyip Erdogan ya ku Selahattin Demirtaş der barê bûyerên Kobanê de tawanbar kir û geşedanên dawî ji Ajansa Mezopotamya (MA) re axivî. Temellî, helwesta Erdogan a li hemberî Demîrtaş şermezar kir û wiha got: "Ez vê helwesta ku Serokê AKP'ê Erdogan, Birêz Demîrtaş tawanbar dike şermezar dikim. Erdogan tişta ku her dem dike dubare dike. Bi gotinên nifrîn û dijminantiyê siyasetê dike. Bi gotinên nijadî, dijminantî dengan kom dike. Bi dijminantiya kurdan, dijminantiya Demirtaş û HDP'ê dixwaze girseya xwe kom bike û hêza xwe xurt bike. Piştî serkeftina 7'ê Hezîranê aqilê wî tev li hev bûye. Ji ber vê yekê tev li hev dike. Bûyerên 6-8'ê Cotmehê salek beriya 7'ê Hezîranê bû. Di bûyerên 6-8'ê Cotmehê de 53 can hatin kuştin. Canê me tevan bû. Ji bo em hesab ji vê yekê bipirsîn û ronî bikin me 2 caran pêşniyarnameya lêkolînê da meclîsê. Lê herdu pêşniyarnameyên me ji ailyê AKP'ê ve hatin redkirin. Ger ku destûr bihata dayîn rê dastî bihata ronîkirin. Sûcdariyên der barê Demîrtaş de tu rastî, esl û feslê wan tune ye. Birêz Demirtaş, ne ji ber bûyerên 6-8'ê Cotmehê girtî ye. Dijberî vê yekê herî zêde Demîrtaş ji bo bûyerên 6-8'ê Cotmehê ronî bibe têkoşiya. Ahmet Davutoglu şahidê her tiştî ye. Ger ku Erdogan meraq dike bila bi telefonê li Ahmet Davutoglu bigere. Bila rastiyê ji Davutoglu fêr bibe." 

 

DIVÊ AYM BIRYARÊ BIDE

 

Temellî, bang li rayedarên Dadgeha Qanûna Bingehîn (AYM) jî kir û xwest demek berî demekê der barê Demîrtaş de biryarê bide û wî serbest berde. Divê Demirtaş azad bibe. Divê Demirtaş û Erdogan  li hemberî hev rûnên û vê yekê bi axivin. Wê demê Demirtaş dê rastiya di 6-8'ê Cotmehê de, li Dolmabahçe û piştî 7'ê Hezîranê çi bû ji Serokomar Erdogan re yek bi yek bêje. Wê demê dê Erdogan ronî bibe û aqilê wî bê serê wî. Bi tawanbarkirina Demîr9taş dixwaze prima siyasetê bike û dengê xwe zêde bike. Em vê yekê şermezar dikin. Erdogan baş dizane ku lêpirsîna bûyerên 6-8'ê Cotmehê ji aliyê kijan dozgeran ve tê meşandin. Îro Demîrtaş ji aliyê dozger û dadgerên ku ji dozên FETO hatine girtin girtî ye. " 

 

'EM MAL BI MAL DIGERÎN Û XWE DIGÎNIN HER KESÎ'

 

Temellî, bal kişand ser xebadên hilbijartinê û wiha berdewam kir: "Her çend zextên li ser HDP'ê zêde bin û HDP di bin dorpêç û astengiyan de bixebite jî em mal bi mal digerin û xwe digînin her derî. Em bi hemû hêza xwe dixebitin. Em pir bi hevî ne. Bendewariyek zêde heye. Em di şertên OHAL'ê de diçin hilbijartinê. Em di şertên awarte de kar dikin. Em bang li her kesi dikin ku her kes çavdêr û berpirsiyarê sindoqan be. Ya herî girîng ewlehiya sindoq û dengan e. 

 

ERDOGAN BI GOTINÊN NIFRÎNÊ SIYASETÊ DIKE

 

Temellî, helwesta Erdogan jî şermezar kir û got: "Erdogan her dem bi gotinên nifrîn û dijminantiyê siyasetê dike. Herî zêde li dijî HDP’ê û kurdan gotinên dijminantî û nifrînê pêş dixe. Bi vê siyasetê dixwaze biçe îktîdarê. Rêya çareserî û demokrasiyê di HDP’ê re derbas dibe. Ger ku AKP, HDP’ê bi lîstik û hîleyan di bin bendê de bihêle dê wekîlên ku em derxin desteser bikin. Tu pirsgirêka HDP’ê ya Bendê tune. Lê ji bo HDP'ê di bin bendê de bihêlin her tiştî dikin. Ji bo ku mirov nikaribin biçin dengê xwe bidin sindoqan diguhezînin. Bendê li sen bendê ava dike. Rê li pêş mirovan digirin ku neçin dengê xwe nedin. Bi taybetî li cihê ku HDP’ê ji sedî 80 deng lê stendine sindoq tên guhestin.  Dorpêça OHAL'ê heye. Sansura Medya heye. Guhestina sindoqan heye. Binçavkirin hene. Astengiyên cur be cur hene. Lê tevî hemû astengiyan xebatên me didomin. Em detbîran distînin. Gelê me dê bi her awayî biçe ser sindoqan. Dê ji sindoqan HDP derkeve. Îktîdara AKP û Erdogan dê têk biçe. Em dê rêya xwe berdewam bikin." 

 

 

MA / Ozgur Paksoy