MANÎSA – Hevseroka Giştî ya HDP’ê Pervîn Buldan ji bo xebatên hilbijartinê çû Manîsayê û di serdanê de gel bû lehî û herikî şahiyê. Motorsîklêtan wekî ku konvoyê zivirand şahiya dîtbarî. Buldan got: “Em hatine mizgîniya jiyana nû bidin we.”
Partiya Demokratîk a Gelan (HDP) xebatên hilbijartinên 24’ê Hezîranê didomîne. Hevseroka Giştî ya HDP’ê Pervîn Buldan duh heta derengiya şevê bernameya xwe ya hilbijartinê li Manîsayê domand. Buldan duh piştî serdana navçeya Golmarmara derbasî navenda navenda Manîsayê bû û tev li bernameya danasîna namzetên partiya xwe bû. Pişt re jî derbasî navçeyên Saruhan û Turgutlu bû. Bi hezaran welatî Buldan û heyeta pê re bi al û rengên xwe û bi sedan motorsîklêtan pêşwazî kirin. Dîmenên pêşwazîkirinê veguherî şahiya dîtbarî û hemû rengîniya xwe danî holê.
Bi hezaran ji bo Rêberê PKK’ê Abdullah Ocalan û namzetê HDP’ê yê Serokomariyê Selahattîn Demîrtaş dirûşm berz kirin. Navnîşana dawî ya HDP’yan navçeya Turgutlu bû.
BÛN LEHÎ Û HERIKÎN ŞAHIYÊ
Li Turgutluyê her kêlî girseya gel mezin bû û gel derketin ser banên malên xwe, şaneşîn û şibakeyên malên xwe û pankartan vekirin. Di vê serdanê de mirov bûn lehî û herikîn qadê. Jin û ciwan bi kincên xwe yên herêmî beşdarî şahiyê bûn û ji ber tariyê welatiyan bi telefonên xwe derdorê ronî kir. Bi hezaran kes li ber muzîkê govenda gerandin.
‘EM Ê RÊJEYEK BILIND DENG BISTÎNIN’
Buldan di hevdîtina bi gel re axivî û got: “Em buroyê vedikin, lê bes Manîsayê xwe ji mitîngê re amade kiriye. Namzetên HDP’ê yên Manîsayê wek rengîniya HDP’ê ne. Hemû gelên li Manîsayê jî wek rengên HDP’ê ne. Em bi bawerin bi qasî rengîniya li vir dê di hilbijartinên 24’ê Hezîranê de HDP bi rêjeyek bilind dê deng bigire.”
'HÛN EWIL QATILÊN 301 CANAN BIDARIZÎNIN’
Buldan bal kişand ser çûyîna Serokomar Erdogan a Akhîsara Manîsayê û wiha domand: “Beg Tayîp soza trêna lezgîn daye gel. Elbet tu yê trenê bînî. Tu mecbûrî hemû xizmeta gel bikî. Pereyê vê kirina vê xizmêtê bêguman ji berîka dernakeve. Tu bi baca gel van tiştan dikî. Tu trêna li lez deyne aliyekî. Hêj we hesabê 301 canên me, karkerên me û hevrêyên me nedaye û we qatilê wan nedarizandiye. Me soz da van canan. Me soza em ê di 24’ê Hezîranê de ji AKP’ê re bêjin Temam daye. Me soza şandina wan daye.”
'PÊDIIVIYA SEREKE DEMOKRASIYE’
Buldan anî ziman ku pêdiviya herî ferz a Tirkiyeyê pêkanîna aştî û demorkasiyê ye û got: “Hilbijartinên 24’ê Hezîranê çarenûsa Tirkiyeyê diyar dike. Em deng û rengê hemû beşên civakê ne. Ji HDP’e ditirsin. Ji ber ku ji HDP’ê û Demîrtaş ditirsin wî di girtîgehê de dîl digirin. Heke ku wêrekiya we hebe, hûnê ewil birêz Selahattîn Demîrtaş berdin. Bila dakeve qadan û gotinên xwe li rûyê we bêje. Lê ev wêrekî bi were nîne. Ewqas ditirsin nizanin çi bikin, radibin siyaseta demokratîk tasfiye dikin.”
'EM HATIN MIZGÎNIYA JIYANA NÛ BIDIN WE’
Buldan da zanîn ku ew dikarin bersiva hemû êrîş û zextan bidin û gotinên xwe wiha bi dawî kir: “Dê gel bersiva herî baş ya salên dawî di sindoqan de bide we. Em ê welatek ku AKP nîne û Selahattîn Demîrtaş dê Tirkiyeyê birêve bibe diyarî web ikin. Em hatin vir ku mizgîniya jiyana nû bidin we. Ji bo em biratiyê bînin derketine rê. Bes tenê em bi şev û roj bixebitin. Em ê hemû bi hev re bi ser bikevin.”
Welatiyan piştî serdanê û axaftinan Buldan û heyeta pê re li gel karwanê wesayîtan wan ji bajêr oxir kirin.