* Perwerdekar Damla Sonmez ku ji bo yogayê nîşanî jinên rihayî bide ji Stenbolê hat, anî ziman ku ji bo ew destekê bidin aştiya civakî hatine. Donmez, destnîşan kir ku li welat wekî rojhilat-rojava berberîbûyînek hatiye çêkirin, lê belê ew bi hêza pêkhêner a yogayê bawer dikin. 

 

* Wezîrê Karên Hundurîn Suleyman Soylû ku di serdema wî de qeyûm tayînî şaredariyan hatin kirin, bi hezaran mirovên ku gotin "em li dijî şer in" hatin girtin, êrîş li goristanan û cenazeyan hatin kirin, bû namzetê AKP'ê yê Stenbolê. 

 

* Li çarşiya Pirsûsê kirîn û firotin nayê kirin. Alvêr rawestiya ye. Hindik maye esnaf dikanên xwe bigirin. 

 

* Koordînatorê koma Gorulmuştur Adîl Okay, daxuyand ku ew ê di hilbijartina 24'ê Hezîranê de destekê bidin HDP'ê. Okay got, çimkî tekane partiya ku qîrîna li girtîgehan bilind dibe dibihîse û dê dawî li vê yekê bîne HDP ye. 

 

* Dîmenên wesayîta zirxî ya ku li Licê Pakîze Hazar a 85 salî eciqandibû kuştibû derketin holê. Di dîmenan de dixuyê ku welatiyekî li wir wesayîtê hişyar dike, lê belê wesayîta zirxî dîsa jî nasekine û piştî Hazarê dieciqîne riya xwe didomîne. 

 

* Namzetê Parlementeriyê yê HDP'ê ya Şirnexê Huseyîn Kaçmaz, ku parêzerê doza kuştina birayên Yildirim ku panzêr ket mala wan û ew kuştin, bal kişand ser vê bûyerê û got: "Ji bo zarok bi vî awayî nemirin bûm namzet." 

 

* YSK'ê biryar da ku dê li Dersimê 56 sindoqan veguhêzînin herêmên cuda. Komîsyona Hilbijartinê ya HDP'a Dersimê, destnîşan kir ku ev yek ji bo çûyîna ser sindoqan çênebe hatiye kirin, lê belê ew ê sindoqan biparêzin. 

 

* Namzetên parlamenteriyê yên HDP'ê yên Erziromê bi biryarin ku pirsgirêkên çivakê çareser bikin. Namzetê HDP'ê û nevîyê Rêberê Kurd Şêx Saîd, Mehmet Kasim Firat, bang li gel kir û xwest li dijî îtîfaqa Nemrud û îlletan di bin baneyên HDP’ê de bibin yek. 

 

* Namzetê Parlamenteriyê yê HDP’ê yê Mêrdîn û Nûnerê Tirkiye yê Yekîtiya Suryaniyên Ewropa Tuma Çelik, ji hilbijêran xwest bifikirin û dengê xwe bidin û wiha got: “Her dengê bê dayîn, an dê bêtir nûnertiyê pêş bixe, an jî dê bêtir înkarê pêş bixe. Divê Suryanî di vê ferqê de biçin ser sindoqan û dengê xwe bidin. 

 

* Welatiyên azerî yên li Îdirê gotin ku ew ê berteka xwe ya li dijî hilweşandina Peykerê Aştî û Biratiyê dê di 24’ê Hezîranê de nîşan bidin û dê dengê xwe bidin HDP’ê. 

 

* Namzeta ciwan a HDP’ê Dersim Dag, diyar kir ku ji ber koçberiya bi darê zorê hîna di temenek biçûk de siyasetê nas dike û got: “Dînamîka civakê bi guhere ciwanin. Em ê civakê bi ciwana re azad bikin.”

 

* Xebatên hilbijartinê yên namzetên HDP'ê dê bên şopandin. Namzet dê li gelek navendan esnaf û welatiyan ziyaret bikin û buroyên hilbijartinê vekin.  

 

* Derhênerê fîlmê Bakur Çayan Demirel û Ertugrul Mavîoglu bi îdîaya “propaganda rêxistinê kirine doz li wan hat vekirin û heta 5 salan ceza ji wan re tê xwestin. Danişîna doza wan dê li 2'emîn Dadgeha Cezayên Giran a Êlihê dê bê dîtin. (09.00)

 

*  Danişîna doza ajokar û kujer S.K., ê di 10'ê Sibata 2013'an de Şahîn Oner ê 19 salî ku 15'ê Sibatê şermezar dikir, bi panzêrê kuşt, dê li 1'emîn Dadgeha Cezayên Giran a Amedê bê dîtin. (10.00)

 

* 5'emîn Danişîna doza kujerên 33 ciwanên li Pirsûsê hatin qetilkirin dê li 6'emîn Dadgeha Cezayên Giran a Rihayê bê dîtin. (10.00)

 

* DİSK, dê rapora 16 salan a AKP'ê û helwesta xwe ya 24'ê Hezîranê li navenda giştî bi civîna çapemeniyê bi raya giştî re parve bike. (11.00) 

 

* Danişîna doza Surmî Înce ku li Geverê polîsan lê da û kuşt dê li Dadgeha Cezayên Giran a Geverê bê dîtin. (11:00)

 

* Rêxistina HDP'ê ya Stenbolê dê bi tevlebûna Namzetên ciwan ên HDP'ê  Danezana Meclîsa Ciwanan bi raya giştî re parve bike. (12.00)

 

* Piştevaniya Taksimê dê bi minasebeta 5'emîn salvegera Berxwedana Geziyê li Odeya Mîmaran a TMMOB'ê civîna çapemeniyê pêk bîne. (12.30)

 

* Baroyên Herêmê di çarçoveya kampanya "Her dibistanek û parêzerek" de, dê li Otela Demîr civîna çapemenyê pêk bînin. (14.00)

 

* Rêxistina HDP'ê ya Êlihê dê bi tevlêbûna Namzetên HDP'ê yên bajêr şahiyekê pêk bîne. (12.00-19.00)

 

* Hevserokê Giştî yê HDP'ê Sezai Temellî, di çarçoveya xebatên hilbijartinê de, dê li Batikent û Tuzluçayir ên Stenbolê tev li xebatên hilbijartinê û Sifreya Ruyê Erdê bibe. (16.00-20.00)