Partiya Demokratîk a Gelan (HDP) ji bo namzetiya hilbijartina zordest a 24’ê Hezîranê bang li hemû nasneme û rengên cuda kir ku bên beşdarî HDP'ê bibin. Yek ji namzetên parlamenteriya HDP’ê yên rengîn Musa Pîroglu yê di rêza 2’yemîn a herêma 1’emîn a Stenbolê de cih digire ye. Pîroglu hem kurd û hem jî Elewiye. Ji malbatek kedkare û li Kirşehîrê hat dinê û mezin bû.  Pîroglu li Îzmîrê Lîse xwend û di sala 1988’an dest bi karê înşaetê kir û ji ber qezayek kar astengdar me. Pîroglu, li Îzmîrê li ser sendelê tekelik zanîngeh qezend û bû mamosteyê Wêjeyê. Pîroglu piştî mamostetiya 15 salan, emekkar bû. 

 

'EZ Ê DI MECLÎSÊ DE BIBIM DENGÊ ASTENGDARAN'

 

Pîroglu, diyar kir ku ew ê di Meclîsê de bibe dengê astengdaran û wiha axivî: “Partiya me di dîroka welat de, karê herî girîng dike. Destpêkê jin dîtbar kirin û partiyên pergalê necarî vê yekê kirin. Bi pîvana nûnertiya wekhev, ev li ser wan ferz kir. Niha jî cih da namzetên astengdar. Di vî warî de gave nûtirîn avêt. Ji bo bi hezaran girtiyên siyasî ji girtîgehan derbikevin, şer bi dawî bibe, wekheviya gelên Kurd û Tirk û aştiya hemû gelên Anatoliyê ez bûm namzetê HDP’ê. Ji bo hemû karkerên ji kar hatin avêrtin paşve vegerin ser karên xwe, ewlekariya karkeran, jin bi awayekê azad di kolanan de bigerin, rûmeta zarokan neyê şikandin di HDP’ê de bûm namzet. Cardin welat dinava krîzek aborî ya mezin deye. Ji bo dawî li vê krîzê jî were, HDP xwedî girîngiyek mezine.” 

 

'EM DIKARAN MÎNAKA DUYEMÎN A ROJAVA AVA BIKIN’

 

Pîroglu, da zanîn ku ew ê bibe dengê hemû pêkhatiyên li Tirkiyeyê û wiha bilêv kir: “Bi HDP’ê em dikarin mînaka duyemîn a Rojava ava bikin. Divê em hilbijar weke fînal nebînin û em weke destpêka têkoşîn ê bibînin. Ez bang li gelên Tirkiyeyê dikim ku ev hilbijartin, hilbijartina navbera gelên xizan, bindest û desthilatdaran dene. Aliyekê vê hilbijartinê Qesre û aliyê din ê hilbijartinê jî nûnerê gelan HDP ye. Ji bo em fatura krîzên heyî bi xizanan nedin dayîn, pêwîste em dengê xwe bidin HDP’ê.” 

 

MA / Bîlal Seçkîn