* Nûçegihanê dihaber’ê ya bi KHK’ê hat girtin Erdogan Alayumat, diyar kir ku dem adi girtîgehê de bû herî zêde bêriya wwênekêş û kameraya xwe kiriye û got: “Ser rastiyan çiqasî digirin bila bigirin, êdî rastî ketine hundurê malên wan. Em ê tim û tim rastiyê binivîsînin.”
* Karkerên ku bi KHK’yan ji Şaredariya Akdenîzê ya qeyûm tayînî wê hat kirin hatin avêtin, diyar kirin ku di 24’ê Hezîranê de ew ê li ser sindoqan bersiva AKP’ê bidin.
* Prof. Dr. Baskin Oran, bal kişand ser dîmenên namzetên HDP’ê û diyar kir ku HDP'ê bi diyarkirina namzetên çep û azadîparêz gavek gelek rast avêtiye.
* Aktivîsta YDK’ê Sevda Erkiliç destnîşan kir ku li hemberî îtifaqên mêrî yên serdest ew ê li cem HDP’ê ku îtifaqa jinan esas digire cih bigirin.
* Mikaîl Kirbayir ku li Qada Galatasarayê 23 salin li birayê wê Cemîl Kirbayir digere got: “Dewlet kujeran diparêze. Hîn jî feraseta 12’ê Îlonê didome.”
* Yek ji namzetên HDP’ê yên Îzmîrê jî Cemîle Aydin (68) e. Aydin Dayika Aştiyê ye. Aydin, anî ziman ku divê dayikên kitanspî li Meclîsê bin û divê kesên aştîxwaz hemû li dor HDP’ê bicivin.
* Amediyan diyar kir ku herî zêde di serdema AKP’ê de şideta li ser jinê zêdetir bûye, betalî zêde bûye û krîza aborî çêbûye û gotin, ew ê dengê xwe bidin HDP’ê.
* Weşanên Aryenê dudo jê roman û yek jê helbest, 3 pirtûkên nû çap kirin.
* Hûnermendên Edeneyê, diyar kirin ku dê di 24’ê Hezîranê de, dawî li zextên ser hûner bînin û wiha gotin: “HDP hemû rengan dihewîne nava xwe û dê serkeftinê bi dest bixe. Em ê bersiva herî mezin di 24’ê Hezîranê de bibin desthilatdariyê.”
* Namzeta HDP’ê ya Îzmîrê Halîme Akdag 40 sal e cotkariyê ango karkeriya çandiniyê dike. Akdag ji rêxistinbûyîna greve bigire heta têkoşîna jinê û ji namzetiya hevşaredariyê bigire heta namzetiya parlamenteriyê bi salan e xebatek çalak a siyasete dike. Akdag got ku armanca wê ew e dengê karker û jinan veguhezîne Meclîsê.
* Şaxa SES'ê ya Wanê bi armanca îstidar xizmeta tenduristiyê ya civakî dixe xizmeta hilbijartinê dê şaxa xwe civîna çapemeniyê pêk bîne. (12.00)
* Rêxistina HDP'ê dê li ber girtîgeha Tîpa F a Edîrneyê ku Namzetê Serokomariyê yê HDP'ê Selahattin Demirtaş lê girtî ye bi daxuyaniya çapemeniyê starta hilbijartinê bide. (12.00)
* Şaxa SES'ê ya Amedê bi sedema karmendên girêdayî Wezareta Polîtîkayên Civak û Malbatê ji xeynî karê xwe di xizmetên din de kar dikin dê li avahiya xwe civîna çapemeniyê pêk bînin. (12.30)
* Baroya Amedê dê di hefteya 128'an de ji bo kujerên Tahîr Elçî bên dîtin li ber Edliyeya Amedê daxuyaniyê bidin çapemeniyê. (13.30)
* Rêxistina HDP'e ya Stenbolê dê namzetên xwe bi civîna çapemeniyê li Qada Îskele ya Kadikoyê bidin naskirin. (17.00)
* Li gelek bajaran dê Rêxistinên HDP'ê gel û eznafan ziyaret bikin û xebatên hilbijartinê bimeşînin.