HATAY - Nûçegihanê Dîhaberê ya bi KHK’ê hat girtin Erdogan Alayumat di danişîna 3’yemîn de hat berdan.
Danşina doza Nûçegîhanê Ajansa Nûçeyan a Medyayê ya Dîcleyê (dîhaber) ya bi KHK'ê hat girtin Erdogan Alayumatê girtî tê darizandin û Nûrî Akman ê serbest tê darizandin li Hatayê hat dîtin. Alayumat ê girtî tê darizandin di danişîna 3'emîn a Hatayê de hat berdan.
Alayumat û Akman di 13'ê Tîrmehê de li ser sînor dema nûçe dişopandin li Dîlokê hatibûn binçavkirin. Piştî 15 rojan di bin çavan de man di 28'ê Tîrmehê de Alayumat hatibû girtin û Akman jî hatibû berdan. 3'emîn Danişana doza wan li 2’emîn Dadgeha Cezayên Giran a Hatayê îro hat dîtin. Alayumat ji Girtîgeha Tîpa T a Bafra bi riya SEGBİS'ê beşdarî danişînê bû. Prz. Tugay Bek li salonê amade bû. Akman ê serbest tê darizandin jî tev li danişînê nebû. Di danişînê de Alayumat dîsa sucdariyên der barê xwe de red kir û diyar kir ku nêzî salekê bê heq û bê hiqûq girtî ye. Alayumat taliyeya xwe xwest.
Prz. Tugay Bek jî parastin kir û diyar kir ku hemû delîl û belgeyên der barê Alayumat de bê bingeh in. Bek, da zanîn ku nûçe û wêneyên ku Alayumat kişandine berê bi dehan caran bûne mijara nûçeayan û ev de agahiyek veşarî ye. Bek, xwest muvekkilê wî Alayulat bê berdan.
Pitî prastinê heyetê der barê Alayumat de biryara tahliyeyê xwest. Heyetê bi şertê serbest bê berdan doz taloqî 19'ê Cotmehê kir.
DER BARÊ DOZÊ DE
Alayumat ji Hatayê şandibûn Girtîgeha Tîpa T a Tarsusê ya Mêrsînê ku berî demekê hatibû avakirin. Alayumat ji wir jî sirgûnî Girtîgeha Bafrayê ya Samsunê kiribûn. Rojnameger Alayumat dema li Girtîgeha Tarsusê bûn hatibûn tazîkirin û îşkence li wan hatibû kirin, ji ber îşkenceyê ji guhê xwe yê rastê kêm deng distand. Rêveberiya girtîgehê li cihê ku der barê berpirsyaran de lêpirsînê veke, rojnameger avêtibûn hucreya sungerî.
Serdozgerê Komarê yê Hatayê der barê nûçegîhanên Ajansa Nûçeyan a Medya Dicleyê (dîhaber) ya bi Biryara Di Hukmê Qanûnê (KHK) nûçegîhan Erdogan Alayumat û Nurî Akman de îdianame amade kiribû. 2'yemîn Dadgeha Cezayê Giran a Hatayê îdîanameya Serdozgerê Komarê yê Hatayê Tacettîn Pinar qebûl kir. Dozger Pinar îdîa kiribû ku her du rojnamegeran sirên dewletê aşkera kirine û bi vê rêyê sîxûriya leşkerî kirine, ji her rojnamegerekî re 45 sal cezayê girtîgehê xwestibû. Dozger fezlekeya ku polîs amade kiribû, bi awayekê kopîkirî îdianame amade kiribû. Nîvekê îdianameyê ji dîroka PKK/KCK'ê pêk dihat. Hemû xebatên rojnamegeriyê yê Alayumat û Akman wekî sûc nîşan dabûn. Nûçeyên di dîhaberê de hatine weşandin, wêneyên di wênekêşan de hatine dîtin, hevpeyvînên ku çêkirine, nîqaşên di whatsappê yên bi hevalên xwe re kirine, hemû wekî delîla sûc nîşan dabûn. Dozger dîhaberê wekî "Saziya muzahîr a PKK'ê" pênase kiribû. Alayumat û Akman wekî endamê rêxistinê nîşan dabû û îdiakiribû ku di çarçoveya fermanên rêxistinê de xebat meşandine.
NÛÇE KIRIBÛN DELÎL
Dozger nûçeyên ku Alayumat û Akman li ser sûnor çêkiribûn, wekî delîla sûc nîşan dabû. Dîsa nûçeyên Alayumat û Akman ên di kompîturê de hatine dîtin û bi sernavê "Li biryargeha MÎT'ê bi şev sewqkirin û bi roj perwerde tê kirin" bi baldarî li ser sekinîn û bi berfirehî hat destgirtin. Wêneyên aydê nûçeyan jî wekî ku sirên leşkerî ji PKK(KCK'ê re hatibin ragihandin, xistibûn delîla sûc. Dozger hemû agahiyên nûceyan sûc dîtibû û li îdianameyê zêde kiribû.
Dozger hemû agahiyên nûçeyan wekî delîla sûc li dosyayê zêde kiribû. Dozger ji bo Akman û Alayumat bi giştî 90 sal ceza dixwest.