MÊRDÎN - Nisêbîniyan, diyar kirin ku dê werankirin û kuştinên di dema qedexeya derketana derve de bînin bîra xwe û wisan biçin ser sindoqan. Dayîkên Aştiyê jî, anîn ziman ku ji bo azadiya Rêberê PKK’ê Abdullah Ocalan û girtiyên siyasî dê beşdarî xebatên hilbijartinê bibin.
Xebatên hilbijarina zordest a 24’ê Hezaranê yên Partiya Demokratîk a Gelan (HDP) a navçeya Nisêbîna Mêrdînê berdewam dikin. Piştî “Qedexeya derketina derve” ya di 14’ê Adara 2016’an de hat îlankirin û 2 salan berdewam kir, 6 taxên nevçeyê hatin rûxandin. Li navçeyê HDP’ê di hilbijartina 1’ê Mijdarê de 89.38 deng girtin û rekor şkand. Endamên Meclîsa Dayîkên Aştiyê yên armanc dikin ku dengên HDP’ê bilindtir bikin, bang li hemû gelên Tirkiyeyê kirin ku l i dora HDP’ê kom bibin.
‘EM Ê RÛXANDIN Û MIRINAN JI BÎR NEKIN’
Endama Dayîkên Aştiyê Latîfe Akyuz, bal kişand ser rûxandin û mirinên di dema qedexeyê de û wiha axivî: “Nisêbînê dê di hilbijartinê de li dora HDP’ê kom bibin. Heya niha bi şer bersiva daxwazên aştiyane yên gelê Kurd dan. Hemû kes şahide bûyerên li Nisêbînê hatin jiyînin. Malên me rûxandin û hemû tiştên me talan kirin. Gelê me necarî koçberiyê kirin. Gel mirin, wêrankirn û talankirinê dê ji bîr neke û wisan here ser sindoqan.”
‘ERDOGAN JI ŞER ZÊDETIR TIŞTEKÊ KU BIDE TUNEYE’
Dayîka Aştiyê Nuriye Tarlak jî, diyar kur hêza HDP’ê ya li Nisêbînê dê di vê hilbijarinê de xurtir bibe û wiha got: “Erdogan ji şer zêdetir tiştekê ku bide gel tuneye. Zarok kuştin, sivîl qetil kirin û mal wêran kirin. Kesekê dengê me nebihîst. Çawan ku dengê me nebihistin, dengê Efrîniyan jî nebihîstin. Heya ku em yekîtiya xwe ava nekin, kes hizûrê nade me û ji bo me aştiyê nayne.”
‘DIVÊ GEL DENGÊN XWE BIDIN DEMÎRTAŞ Û HDP’Ê’
Tarlak, hemû kes dawetî ser sindoqan kir û wiha dawî li axaftina xwe anî: “Ji bo em xwedî li sindoqan derbikevin, emê beşdarî xebatan bibin. Gelên ku dixwazin Tirkiye demokratîk bibe, bila dengên xwe bidin HDP û Selahattîn Demîrtaş. Di saya gelan de em ê aştiyê ava bikin.”
‘JI BO AZADIYA RÊBERÊ XWE EM Ê BIXEBITIN’
Endama Dayîka Aştiyê Perîhan Altug jî, da zanîn ku hilbijartina 24’ê Hezîranê têkoşîna hebûn û tunebûnê ye û wiha bilêv kir: “Yekîtiya gelê kurd dê divê hilbijartinê de diyarker be. Ji bo azadiya Rêberê PKK’ê Abdullah Ocalan û girtiyên siyasî em ê beşdarî xebatên hilbijartinê bibin û bi xebitin. Em azadiya hemû kesan dixwazin. Bahçelî û Erdogan dixwazin efoya mafya û dizekan derbixwin. Em aqlê xwe bibin serê xwe û dengê xwe nedin van selefkaran.”