*Li Rojavayê Fakulteya Jineolojiyê, di 16’ê Cotmehê de dest bi perwerdehiyê dike. Endama Desteya Rêveber a Jîneolojiyê Ayten Şêx Îsa, anî ziman ku bi avakirina fakulteyê gaveke mezin hatiye avêtin û wê ji bo jinên cîhanê bibe mînak. Her wiha Îsa ji bo piştevaniyê jî bang kir û wiha got: “Hûn jî kevirekî deynin.”
*Di ser qetilkirina xebatkarê Rojnameya Azadiya Welat Kadrî Bagdû re 3 sal derbas bûn, lê hîn jî kiryarên wî nehatine dîtin. Parêzer Tugay Bek, diyar kir ku ji bo lêpirsîn çalaktir bibe ew tevdigerin, lê belê heta niha tu encam bi dest neketine.Şemsa Bagdu, hevjîna Kadrî Bagdu, jî xwest ku kiryarên hevjînê wê bên dîtin.
* Li Dîlokê 600 zarok ji bo biçin dibistanê her rojê 6 kîlometre dê dimeşin.
*Mehmet Mat ku li Pirsûsê karê hinaran dike, anî ziman ku ew bi zor û heft bela tirşa hinaran bi dest dixin. Mat got ku lê belê, tirşa ku bi kêrî tenduristiya mirov tê wek tişteke “luks” tê dîtin û nayê mezaxtin.
*Ahmet Bayar, ku sipîsaxlem ket girtîgehê lê belê wek nexwşekî sandalyeya bitekelek derket, ji ber tedawiya wî tu encamê nade ji nexweşxaneyê hat tabûrcûkirin. Lê belê êdî Bayar, ne navê xwe dizane û ne jî ferdên malbatê nas dike. Bayar ji 64 kîloyan daket 45 kîloyan.
*Sekretera Giştî ya DÎSK’ê Arzû Çerkezoglu diyar kir ku li Tirkiyê beşdariya jinan a kar ji sedî 30 e û got: “Ev rewş ji polîtîkaya desthilatdariyê ya jinê ne serbixwetir e.”
* Li Wanê bi hatina zivistanê re welatî ji bo ku xwe ji sermayê biparêzin nebatên xwezayî ji dikanên etaran dikirin û di şûna çayê de vedixwin. Etarvanan jî got ku parastina ji nexweşînên sermayê çaya ji giyayên xwezayî çêdibe pêşniyar dikin.
*Zaroka 4 salî ya ji ber nexweşîna epîlepsî, korbûna çav û sistokî masûlke ji Kastamonê hat Stenbolê, Nexweşxaneya Lêkolîn û Perwerdê ya Stebolê di Gulana 2018’an randevû da zaroka biçûk.
*Desthilatdariya li Tirkiyeyê ji bo kirîna çekên nû û vebûna butçeyê bigire Bernameya Biqewl a Navîn aşkera kir. Aborînas Ozgur Muftuoglu bal kişand ser plana desthilatdariyê û ev tişt got: "Dewlet xerçkirinên şer û amadekariyên wê bi giştî bi veşarî dikin, naxwazin civak şerê wan bibîne. Lê îro civak ji şer re tê amadekirin."
*Doza 45 rojnamegerên kurd ku di çarçoveya "Doza çepemeniya KCK'ê de" hat vekirin û 6 sale didome, dê li 3'yemîn Dadgeha Cezayê Giran a Stenbolê bê dîtin. (09.30)
*Dê doza Şehrîban Dînç a di Cotmeha 2015'an de hevjînê wê Esat Dînç kuşt, li 1'emîn Dadgeha Cezayê Giran a Agiriyê bê dîtin. (10.00)
* Doza serokê rêxistina sûcên organizeyê Sedat Peker a bi gotina "Cihok, cihok em ê xwînê birijîn in" akdemîsyenên li herêmên qedexe belavoka aştiyê weşandin gef xar, dê li 20'emîn Dadgeha Cezayê Aslî ya Anadoluyê bê dîtin. (10.30)
* Şaxa Komeleya Mafê Mirovan (ÎHD) a Agiriyê dê têkildarî binpêkirinên mafan ên li girtîgehan civîna çapemeniyê lidar bixe. (12.00)
*HDP dê balê bikişîne ser teqîna TUPRAŞ a li Alîagayê ku 4 karkeran tê de jiyana xwe ji destan dan. (12.00)
* Baroya Amedê, ji bo kujerên Tahîr Telçî bên dîtin û lez bidin dosyeya lêpirsînê dê li ber Edliyeya Amedê kom bibin û daxuyaniyê bidin çapemeniyê. (13.30)
* Şaxa Kolemeya Mafê Mirovan (ÎHD) a Îzmîrê rapora têkildarê bêmafiyên li girtîgehan tê jiyîn amade kir, dê bi daxuyaniyekê ji raya giştî re aşkere bike. (13.30)