STENBOL - Wezareta Hawirdor û Bajarsaziyê, careke din mimar û endezyarên bi KHK’yan hatin îxrackirin ceza kir. Wezaretê bi sererastkirinekê heta sala 3025’an xebata di nav pergala venêrînê ya avaniyî de ya endezyar û mîmarên bi KHK’yan hatin îxrackirin asteng kir. Endezyarên bi KHK’yan hatin îxrackirin ji bo vê biryarê ev tişt gotin: “Ev sûretê fermî  yê îbretî ye ku di rêveberiya dewletê de kêfiyet ji eyarê xwe derketiye.” 

 

Wezareta Hawirdor û Bajarsaziyê, endezyar û mîmarên bi KHK’yên di çarçoveya Rewşa Awarte de hatin derxistin hatin îxrackirin cara duyem ceza kir. Wezaretê di bin banê “Proje û Venêrîniya Sepandinê” û “Elemanê Xebatê” de xebata endezyar û mîmarên (di Pergala Venêrîna Avaniyî ya Netewî de qeydkirîne û bi KHK’ê hatine îxrackirin) ya di nav şîrketên venêrîna avaniyî de heta sala 3025’an asteng kir. Di biryara hat teblîxkirin de dîroka destpêka ceza wekî 26’ê Nîsana 2018’an û bidawîbûna ceza jî wekî 26’ê Nîsana 3025’an hatiye diyarkirin. 

 

Endezyarên bi KHK’ê hatin îxrackirin ji bo biryarê ev tişt gotin: “Em bi awayekî derhiqûqî ji cemaweriyê hatin îxrackirin. Di madeya 14’emîn a Rêziknameya Sepandina Venêrîna Avaniyî de, tê diyarkirin ku biryarên mehkûmiyetê yên dadgeh dane, ji bo cihgirtina di nav pergala venêrîna avaniyî de rewşeke astengdariyê ye. Kirariya îxrackirinê ne biryara mehkûmiyetê ye, rê li ber astengkirinê venake. Jixwe dema mirov bala xwe dide, biryara hatiye dayîn bi tu awayî xwe naspêre tu qanûn û rêziknameyê. Tenê îfadeya ‘astengkirinê’ hatiye bikaranîn. Yanî mikurhatina ku rewşeke fiîlî hatiye afirandin heye.”