* Leşkerên piştî pevçûna nêzî gundê Kotranîs derket hatin gund, bi îdîaya “Terorîstan xwedî dikin” 3 welatî bi lêdanê binçav kirin. Sidika Kaya, diyar kir ku gava pevçûn berdewam dikir leşker hatin mala wan xwarin xwarin û dûre ew û 2 xizmên wî bi lêdanê binçav kirin.
* Nivîskar Adîl Okay, bal kişand ser îtîfaqên piştî hilbijartina zordest hatin avakirin û got: “Li ger gelên Tirkiyeyê hilbijartina du eniyên rastgir tê ferzkirin. Li dijî dîktatoriya AKP’ê ger em HDP’ê ji derve de bihêlin, dê pêşeroja welat tarîtir bibe.”
* Elewiyên li Îzmîrê, diyar kirin ku di çarçoveya daxwazên xwe yên bi salane tînin ser ziman de dê biçin ser sindoqan û gotin: “Tenê HDP dikare daxwazên me çareser bike. Tekane partiya Tirkiyeyê ji kaosê rizgar bike partiya HDP’ê ye.”
* Partiya Keskan û Çepgiran, got ku, “HDP ji 7’ê Hezîranê zêdetir guheriye û bûye adresa veguherinê. Dibe ku Demîrtaş girtîbe, lê em ê di kolan û koçeyan de bibin rûyê biken û espri yê Demîrtaş.”
* Yek ji avakerên AKP’ê Fatma Bostan Unsal, diyar kir ku ji bo newekheviya namzetên Serokkomariyê ji holê bê rakirin, divê rewşa Selahattîn Demîrtaş bê nirxandin û got: “Ji bo em rêzê nîşanî van pêvajoyan bidin, divê demildest ev newekhevîtî ji holê bê rakirin.”
* Nexweşa tîroîdê Zeynep Kayra a li Girtîgeha Jinan a Tîpa L a Bakirkoyê, diyar kir ku kontrolên wê yên divê di beşa Tipa Nukleerê de bên kirin, di revîrê de tên kirin û wiha got: “Rayedarên girtîgehê mafê min ê dermankirinê ji min digirin.
* Endamên Meclîsa Dayîkên Aştiyê yên Êlihê, diyar kirin ku ligel polîtîkayên teslîmgirtinê yên OHAL’ê jî, dê di hilbijartinên zordest de, ji bo demokrasî û edalet pêş bikeve wê bi awayekê aktîf peywirê bigirin û beşdarî xebatan bibin.
* Danişîna doza 21 kesên, 16 jê dinavê de edîtorê Kovara Modernîteya Demokratîk Hadar Ergul, rêveber û endamên Partiya Demokratîk a Gelan (HDP) û Partiya Herêmên Demokratîk (DBP) ên di serdegirtina malan a di 28’ê Tirmaha 2017’an de li Stenbolê hatin girtin, dê li Dadgeha Cezayê Giran a 22’yemîn a Stenbolê bê dîtin. (10.00)
* Danişîna doza 9 nivîskar û xebatkarên Rojnameya Ozgur Gundemê ya bi KHK’ê hat girtin, dê li Dadgeha Cezayê Giran a 14’emîn a Stenbolê bê dîtin. (13.30)
* Danişîna doza Faruk Eren, Ertugrul Mavîoglu, Celal Başlangiç, Omer Agin, Îhsan Çaralan, Celalettîn Can, Fehîm Işık û Oncu Akgul ên beşdarî kampanyaya nobedariya Gerînendetiya Weşana Giştî ya rojnameya Ozgur Gundem a bi KHK’ê hat girtin bûn, dê li Dadgeha Cezayê Giran a 14’emîn a Stenbolê berdewam bike. (14.00)
* 3’yemîn danişîna Şehrîban Dînç a ji aliyê hevjînê xwe Esat Dînç ve hat kuştin, dê li Dadgeha Cezayê Giran a 1’emîn a Wanê bê dîtin. (11:00)