EDENE - Nûnerên saziyên Elewiyên li Edeneyê û Mêrsînê, diyar kirin ku ew ji bo wekhevî, azadî, edalet, demokrasî û aştiyê xwe ji bo 24’ê Hezîranê amede dikin û gotin: “Em ê li dijî yekzilamiyê bibin yek.”
Saziyên Elewiyan ên li Mersîn û Edeneyê, hilbijartina zordest a 24’ê Hezîranê nirxandin û diyar kirin ku ew ê li dijî yekzilamiyê bibin yek.
Hevserokê Komeleya Elewiyên Demokratîk (DAD) a Mêrsînê Mehmet Seyîtalîoglu, diyar kir ku AKP hilbijartinê bi darê zorê li ser gel ferz dike û wiha axivî: “AKP siyaseta alîgir bi rê ve dibe. Lê di nava xwe de jî dengên cûda hene û ew jî ji vê rewşê ne bi kêfxweş in. Naxwazin ev deng di çapemeniyê de derbikevin, lê em van dengan ji gotegotên rojnameyan dibîhîsin.”
‘HEJMARA GIRTÎGEHAN ZÊDE BÛN’
Seyîtalîoglu, da zanîn ku biryara hilbijartina zordest ji ber krîza aborî ya mezintir dibe hat dayîn û wiha got: “Serokê Giştî yê AKP’ê Tayyîp Erdogan, şopek wisan vekir ku, ji îhaleya dewletê heya têra ziryeta wî jî bike, dewlemend bû. Endamên partiya wî yên ew rexne kirin jî, weke FETO’yî îlan kirin û kirin girtîgehan. Di çend salên dawî de ne fabrîqe, hejmara girtîgehan zêde kirin. Ez banga maf û heqîqetê dikim. Mîna Elewiyan, divê em vê rewşê baş binirxînin û bi encam bikin.”
‘ELEWÎ LI DÎJÎ QESRAN LI BER XWE DIDIN’
Serokê Şaxa Komeleya Çanda Pîr Sultan Abdal (PSAK) a Mêrsînê Bulent Ufuk Ateş jî, anî ziman ku herî zêde Kurd û Elewiyan para xwe ji zext û êrîşên pêk hatin girtin. Ateş, diyar kir ku piştî 7’ê Hezîranê li dijî Kurdan êrîşên mezin pêk hatin û wiha axivî: “Weke her carê li dijî civaka Elewiyan jî êrîş kûrtir kirin. Herî dawî rêveberên em binçav kirin. Lê tiştekê ku bîr kirin heye, gelê Elewî her tim li dijî qesrê li ber xwe daye û dê li ber xwe bide. Em ê di 24’ê Hezîranê de, bi daxwaza hemwelatiyên wekhev û bi baweriya azadiyê li dijî yekzilamiyê li ber xwe bidin.”
‘EM Ê BERNAMEYA PARTIYAN BIXWÎN IN’
Serokê Komeleya Çanda Haci Beştaş Velî ya Edeneyê Kemal Çelîk jî, xwest ku hilbijartina di navendeke azad û aştiyane de derbas bibe. Çelîk, da zanîn ku ew dixwazin welat li ser esasê hemwelatiyên wekhev bê birêve birin û wiha bilêv kir: “Em dixwazin navendên baweriya Elewiyan bên naskirin. Em di perwerdê û tenduristiyê de wekheviyê dixwazin. Di hemû qadên jiyanê de em ji bo Elewiyan wekheviyê dixwazin. Di pêvajoya hilbijartinê de em ê bernameyên partiyan bixwînin û li gorî wê biryar bidin. Em du carî dest ji laîktiyê bernadin. Divê laîkbûn tenê ne li ser kaxizê bê qebûl kirin. Gava kesekê got Tirkiye laîk ee, wê demê divê ez jî bêjim Tirkiye laîk e.”