ENQERE - Beriya Hilbijartina Zordest ya 24'ê Hezîranê Baroya Enqere li dijî lîstik, dek û dolabên hilbijartinê bi armanca tedbiran bistîne kampanya “Her dibistanek û parêzerek" dan destpêkirin. Serokê Baroya Enqereyê Hakan Canduran, diyar kir ku armanca wan 50 hezar parêzer li ser sindoqan bi cih bikin û ewlehiya sindoqan biparêzin."
Piştî biryara îtifaqa AKP-MHP'ê ya hilbijartina zordest, xebatên ji bo hilbijartinê jî dest pê kir. li aliyekî HDP li bajaran dest bi ziyaretên gel kir, li aliyê din niqaşên li ser parastina sinqodan û diyarkirina namzetan didome. Baroya Enqereyê jî bi armanca rê li pêş lîstik, gef, dek û dolebên hilbijartinê bigire dest bi xebatê kir. Ji ber ku hilbijartina 24'ê hezîranê dê di şert û mercên OHAL'ê de pêk bê, Baroya Amedê bi armanca parastina sindoqan kampanya "Her dibistanek û parêzerek" da destpêkirin. Serokê Baroya Enqereyê Hakan Canduran, diyar kir ku di hilbijartina 16'ê Nîsanê de gelek tişt ji bo wan bûn mijara dersê û wiha got: "Ji bo ku tiştên di 16'ê Nîsanê de pêş ketin di 24'e Hezîranê de dubare nebin em dê xebatan bimeşînin. Candûran anî ziman ku piştî
Lijneya Hilbijartina Bilind (YSK) di referanduma 16'ê Nîsanê de pûsûlayên bê mohr qebûl kirin. Piştî vê rewşê êdî baweriya YSK’ê nema. Bi vê yekê êdî hilbijêr mohrê li ku bixe dikare "erê" qebûl bike. Niha gelek gote gotên cuda hene. Armanc dikin ku bi qasî nifûsa ewropa pusula û zerfan çap bikin. Hefteya borî dema min ev yek aşkere kir Serokê YSK'ê ez şermezar kirim. Lê nekarîbî min biderewîne. Ev yek li ser hilbijêr kaosek mezin ava dike. Du meh mane. Parti dê çi bikin dê rêbazek çawa bê diyar kirin niha ne diyar e. YSK nikare li ser vê yekê biryarekê bistîne. Bendewariyek ji hikûmetê heye."
NERÎNA DÊ HILBIJARTIN DI BIN KONTROLA HIKÛMETE DE PÊK BÊ AVA DIKIN
Candûran, anî ziman ku ew tu carî ne li dijî vîna ku ji sindoqan derdikevin û wiha berdewam kir: "Lê divê vînek rast ji sindoqan derkeve. Çawa deng avêtibin divê wisa derkeve. Divê rast bê jimartin û rast encam bê diyar kirin. Êdî dê memûrê dewletê li ser sindoqan rûnên. Îro cûdakariya dewletê û hikûmtê ji holê rabûye. Nerîna ku wekî dê hilbijartin di kontrola hikûmetê de pêk bê ava dikin. Me li dijî vê yekê kampanya li dijî lîstik û hîleyan li Her Dibistanekê Parêzerekî bi cih bikin da destpêkirin. Em texmîn dikin ku li tevahiya Tirkiye li 50 hezar dibistanan hilbijartin pêk bê. Niha li Tirkiye 109 hezar parêzer heye. Em dê li ser her dibistanekê parêzerekî yani 50 hezar parêzer li ser sindoqan erkdar bikin û me ji bo vê yekê kampanya daye destpêkirin."
DIVÊ HER KES BIÇE SER SINDOQAN
Canduran, anî ziman ku ji bo wan berî her tiştî ewlehiya sindoqan girîng e û xwest her kes biçe ser sindoqan dengê xwe bavêje û li dengê xwe û sindoqa xwe xwedî derkevin û wiha got: “Divê teqez her kes biçe ser sindoqan û dengê xwe bavêje. Divê em hemû welatiyan hişyar bikin ku biçin dengê xwe bidin.
MA / Berivan Altan