HELEB - Hêzên navneteweyî ji bo Sûriyeyê li rêyên çareseriyê digere. Lê taxa Şêxmaqsud bi xebatên xwe yên rêveberî, ewlekarî, tenduristî, perwerdê, ciwan, çand û hunerê nîşaneya çareseriya tevahiya Sûriyeyê ye.

 

Taxa Şêxmaqsud a Helebê yek ji qadên di şerê Sûriyeyê de berxwedanek bê hempa da meşandine. Taxa Şêxmaqsud bi perspektîfa neteweya demokratîk jiyana hevpar a avakirî, ji bo gelên herêmê hêviyek mezin derdixe holê. Şêxmaqsudî bi salane li dijî êrîşên hêzên rejîm û komên selefî li ber xwe didin. Gelê taxê dijî hemû ambargoyan bi derfetên xwe yên kêm karî xwe li ser lingan bigire. Şêxmaqsud bi xebatên xwe yên rêveberî, ewlekarî, tenduristî, perwerdê, ciwan, jin, çand û hunerê hemû hêzan şaşwaz dike. 

 

ŞÊXMAQSUD

 

Nêzî 100 hezar nifûsa Şêxmaqsud heye. Li Şêxmaqsud taxên Şerqî, Xerbî û Maruf hene. Li vê herêmê gelên kurd, Erep, Ermenî, Suryanî û Tirkmên dijîn. Di van deman de li herêmê liv û tevgerek zêde heye. Herêm malûvaniyê ji gelê Efrînê yên li ser dargirkeriya Tirkiyeyê û komên hevkarên wê OSO reviyan re dike. 

 

RÊVEBERÎ

 

Di rêveberiya taxê de, Tevgera Gel a Demokratîk (TEV-DEM) cih digire. Di rêveberiyê de Kurd, Erep, Suryanî û Tirkmen cih digirin. Ligel vê yekê Meclîsa Sûriyeya Demokratîk (MSD), Partiya Pêşerojê ya Sûriyeyê, Partiya Yekîtiya Demokratîk (PYD), sazî û dezgehên civaka sivîl di xebatên rêveberiyê de cih digirin. Pirsgirêkên heyî û projeyên ji bo pêşerojê bi rêxistinbûyî komîn û meclîsan tên çareser kirin û dikevin jiyanê. Pêdiviyên rojane jî Şaredariya Şêxmaqsud digire ser xwe.  

 

EWLEKARÎ

 

Hêzên YPG/YO-PJ’ê bi salane parastina Şêxmaqasûd dikin. Hêzên Parastina Civakî (HPC) a ji gel û asayîşê pêk tê jî rola ewlekariyê girtiye ser xwe. Hêzêb HPC’ê hem ji jinan û hem jî ji zilaman pêk tê. Hêzên HPC’ê bi taybetî nobedariya şev a taxê dikin û li ser rêyan kontrola nasnameyê dikin.

 

TENDURISTÎ

 

3 nexweşxaneyên Şêxmaqsud hene. Ji ber şert û mercên kêm nexweşxaneyek tenê xizmetê dike. Navê nexweşxanê “Şehît Xalide.” Gelek beşên nexweşxanê,  75 xebatkarên tenduristiyê û 25 bijîşkên nexweşxanê hene. Nexweşxaneya Şehît Xalîd bi taybetî di şerê navxweyî de gelek pirsgirêkên mezin girtiye ser milê xwe. Cardin Heyva Sor jî xwebatên xwe yên tenduristiyê  li taxê bi rêve dibe.

 

PERWERDE 

 

Li taxê girîngiyek mezin ji bo perwerdê tê dayîn û 6 dibistanên wê hene. Ji dibistana seretayî bigirin heya lîseyê perwerde tê dayîn. Di dibistanan de bi zimanên Kurdî, Erebî, Îngîlîzî û Fransî ders tên dayîn. Ji 6 hezarî zêdetir xwendekarên wê hene. Li dibistanan 137 mamosta erka xwe bi cih tînin. Dibistan girêdayî Komîteya Perwerdeya Civaka Demokratîk (KPC-D) ne.

 

CIWAN  

 

Ciwanên Şêxmaqsud, di bin banê Yekîtiya Ciwanên Rojava (YCR) û Yekîtiya Jinên Ciwan (YJC) de xwe birêxistin dikin. Rêxistina ciwanan ji ciwanên Kurd, Erep û Tirkmen pêk tên. Ciwan li Şêxmaqsud, mal bi mal, kolan bi kolan û cad bi cade xebatên xwe bi rêve dibin. Ciwan gelek çalakiyên spor, çand û hunerê jî pêk tînin û dem bi dem ewlekariya taxên xwe jî digirin. 

 

JIN

 

Jinên Şêxmaqsûd dibin banê Kongra Star de cih digirin û di qada civakî de beşdarî gelek xebatan dibin. Dîsan jin beşdarî xebatên meclîs û komînên hatin avakirin, dibin. Jin di heman demê de cihên xwe di parastinê de jî digirin û beşdarî YPJ, Asayîşê û HPC’ê dibin  

 

ÇAND Û HUNER

 

Li taxê Tevgera Çand a Demokratîk (TEV-ÇAND) ji xebatên çand û hunerê berpirse. Di çarçoveya xebatan de TEV-ÇAND kursan vedike. Di van kursan de dersten tembûr, gîtar, keman, guvend û filut tên dayîn. Li vê derê tenê çanda Kurd nayê dayîn, li ser hemû çandên cûda perwede tên dayîn û kurs tên vekirin. 6 mamosta di TEV-ÇAND’ê dixebitin. 

 

JIYAN  

 

Gelê li herêmê dinava rêxistinbûyîn û piştevaniyek mezin deye. Bi jiyana xwe ji bo Sûriyeyê modela herî sereke dide avakirin. Gel derdorên cûda vê jiyana Şêxmaqsûd dişopînin û bi baldar temaşe dikin.

 

MA / Nazim Daştan