ŞIRNEX – Miftiyê Silopiyê Huseyin Elçi der barê Sendikaya Kedkarên Waqfê û Diyanetê (DÎVES) de got “Sendikaya nêzîkê PKK’ê”. Derket holê ku Miftî Elçî li ser meleyê hatine îxraçkirin îfade daye. Elçî di îfedeyên xwe de ji bo bûyerên şahidiyê nekiriye jî gotiye “min nedît lê beşdarî taziyeyan dibû”. 

 

Li Şirnex û navçeyê wê, tê de endamên Kedkarên Waqfê û Diyanetê (DÎVES) ya girêdayî KESK’ê jî heyî 14 mele bi hinceta “Têkiliya wan bi PKK’ê re heye” dawiya sala par bi KHK’ê hatibûn îxraçkirin. Der barê meleyên ku li ser raporên mufettişan hatibûn îxraçkirin de bi daxwaza Diyanetê ji aliyê 3’emîn Dadgeha Cezaya Giran a Şirnexê doz hatibû vekirin.  

 

MELEYÊN BÊSUC HATIN DÎTIN HÊJ NEHATINE SER KARÊN XWE  

 

Der barê 4 meleyên ku ji aliyê dadgehê ve ji bo îfedeyê hatibûn gazîkirin biryara “neşopandinê” hat dayîn û meleyek jî beraat kir. Doza 9 meleyan jî hêj berdewam dike. Ligel biryara “neşopandin” û beraatê jî mele hêj nehatine ser karên xwe. Hat zanîn ku dê têkildarî mijarê dozê vekin.

 

LI SER SENDIKAYA KURÊ WÎ ENDAM E ÎFADE DAYE

 

Hat zanîn ku ji ber îfadeyên hin şahidên veşarî û vekirî ev mele hatine îxraçkirin. Derket holê ku yek ji kesên li ser meleyan îfade daye jî Miftiyê Silopiyê Huseyîn Elçi ye. Ajansa me xwe gihand îfadeyên miftî Elçi yê ku kurê wî A. Elçî jî di navbera salên 2011-2013’an de li Amedê endamtiya DÎVES’ê kiriye.  

 

‘DÎVES SENDIKAYEKE LI DIJ SERGIRTIN Û PERWERDEHIYA OLÎ YE’ 

 

Miftî Elçî ku li ser gelek meleyan îfade daye, der barê sendikaya kurê wî jî wextek endamê wê bû de ev tişt gotiye: “DÎVES sendikayeke li dijî sergirtin û perwerdehiya olî ye.” Miftî Elçî dî îfadeya xwe de pirsa têkildarî Mele H.T. a “Hûn dikarin derbarê ka beşdarî cenazeyên terorîstan bûye an na de agahî bidin?” jî bersiva “Ez yekser şahid nebûm û agahiyek bi vî şiklî jî nehat destê min. Lê ez di wê baweriyê de me ku wekî herkesî H.T. jî beşdarî taziyeyan bûye.” da. 

 

‘HER ÇEND EZ ŞAHDIYÊ KIRINA WÎ NEBIM JÎ…’

 

Elçî got ku kesên xwe nêzîkê PKK’ê dibînîn dibin endamê DÎVES’ê û pirsa, “Der barê DÎVES’ê de dikarin agahî bidin?” wiha bersivand: “DÎVES, sendîkayeke ku li vê herêmê kesên xwe nêzîkê PKK’ê dibînin dibin endamê wê. Di vir de ev tişt teqez e. Lê belê hin kes nizanin ka ev sendika xizmeta kê dike. Lê belê hêjmara van ne zêde ye. Min dizanî ku H.T. jî endamê vê sendikayê ye. Lê ne wek gotina min e. Ez gelek xeyrî mam. Ji ber ku her çend ez şahidiya kirinê wî nebim jî min texmîn dikir ku ew jî endamê vê sendikayayê ye.”  

 

‘DI ŞÎNAN DE BEŞA DUAYÊ NE BI EREBÎ BI KURDÎ DIKE’

 

Elçî derbarê meleyê bî navê Î.A. de jî got: “Ligel ku ez yekser şahid nebim jî derbarê Î.A. de gotinên wek nêzîkê PKK’ê gotinan kiriye heye. Li gorî fikra min Î.A. jî beşdarî hin şînan bûye.” Elçî li ser pirsa “Hûn dikarin der barê beşdariya cenaze û şînên terorîstan bûye an na de agahî bidin?” jî ev bersîv da: “Min yekser şahidiya vê nekiriye. Di şînên welatiyan de bi taybetî beşa duayan ne bi erebî bi kurdî tîne ziman.”

 

‘GELEK GELEK SERWEXT E, NEXWE NABE ENDAMÊ DÎVES’Ê’

 

Elçî, di îfadeya xwe de got Î.A. di KURDÎ-DER’ê de dersa kurdî dide û li ser hin pirsan jî ev bersîv da: “Min yekser tiştek wiha nebihistiye lê belê ez texmîn dikim ku ew ji bo terorîstan bibêje şehîd.” Elçî li ser endamtiya DÎVES’ê ya mele Î.A.’yê van gotinan dike: “Î.A. li gorî min bi zanebûn endamtiya xwe çêkiriye. Ew gelek gelek serwext e. Nexwe nabe endamê wir.”

 

DAXWAZNAMEYA ÎXBARÊ JI DÎYANETÊ RE RÊ DIKE

 

Ligel îfadeyên şahidiyê Elçî der barê hin meleyan de jî daxwaznameyên îxbarê ji Mufettişên Serokatiya Karên Diyanetê re rê dike. Dî daxwaznameyeke ku îmzeya Elçî di bin de ye de li ser mele S.B. hin agahî tên parve kirin. Di daxwaznameyê de ev tişt tên gotin: “Welatiyekî ku nexwest navê wî aşkere bibe, hat miftilikê û derbarê mele S.B. de hin dîmen dan. Ev dîmen li cihê S.B. beşdarî mîtinga HDP’ê bûye de hatiye kişandin. Bila navê kesê neyê aşkerekirin û çi hewce be bê kirin.”

 

‘H.T. JI EŞÎRA SPÊRTIYAN E, EV EŞÎR JÎ GIRÊDAYÎ PKK’Ê YE’

 

Ligel şahidiya hin kesan me xwe gihand hin girtekên ji aliyê mufettişan ve hatiye amadekirin. Di girtekan de mele yek û yek tên nirxandin. Îfadeya li ser mele H.T. ê di girtekê de hatiye bicihkirin jî ev e: “H.T. ji eşîra spêrtiyan e. Ev eşîr jî gelek girêdayî PKK’ê ye. Hat zanîn ku der barê vî meleyê de ne xwedî agahiyekî ye.”