Gundê Guzereşê yê bi ser navçeya Çelê ya Colemêrgê ve wek bi sedan gundên li bajarên herêmê di sala 1995’an de hat valakirin. Îsmaîl û Fatma Onal ên hevjînên hev di vê serdemê de neçar man ku koçber bikin. Piştî 7 salan bi bîrîkirinek mezin vedigerin gundên xwe. Ewil malbata Onal vedigere gund. Gelek malbat tene havînê diçin gundê xwe. Lê malbata Onal havîn û zivistanê hemû li gund dijî. Gundê Guzereşê li gel xwezaya xwe ya xweşik malovaniya jiyana hevpar a kurd û ermeniyan dike. 

 

‘NEÇAR MAM BÊM GUND’ 

 

Piştî hilweşandina gundan Îsmaîl Onal ê ewilî vegeriya gund wiha got: “Di seranserî dîroka gund de ermenî li aliyê din ê çem diman û kurd jî li aliyê din ê gund diman. Em bi biratiyî bi hev re dijiyan. Onal anî ziman ku ew neçar maye ku ji jiyana bajaran bireve û dîsa bê li gundê xwe bicih bibe. Onal got ku ew bi karê bax û baxçeyan debara xwe dike. 

 

'EM TENÊ DIJÎN’ 

 

Onal da zanîn ku piştî teqewît dibe biryar daye ku bê li gund bijî û xwest ku gundiyên wan tenê ne havînê çar demsal bên li gund bijîn. Onal got ku zivistanê jî ew û hevjîna xwe tenê li gund dijîn û jiyana xwezayî li gund aramiyê dide wî. 

 

'EM Û ERMENIYAN WEK BIRAYAN BÛN’ 

 

Onal destnîşan kir ku ermenî û kalên wan bi sedan sal bi hev re li gund jiyan kirin e û gundê wan hem yê ermeniyan e û hem jî yê kurdan e. Onal diyar kir ku dê ji niha şûn ve herî zêde herêma wan xweş bike aştî û jiyanek bi aramiye û xwest şer cihê xwe ji aştiyê berde û hemû gundî bên gundê bi hev re jiyan bikin. 

 

MA / Nîmet Olmez