ÊLIH - Rêxistina HDP’a Êlihê starta hilbijartinên zordest da û got: “Hêzên demokratîk dê li ser sindoqan ji AKP û desthilatdariya Qesrê re bêjin êdî bese. Gel ê bersiva pêwîst bide wan.”
Rêxistina Partiya Demokratîk a Gelan (HDP) Êlihê, starta xebatên amadekariya hilbijartina zordest a 24’ê Hezîranê bide li avahiya navçeyê ya HDP’ê civîna çapemeniyê pêk anî. Hevşaredarê Êlihê Sabrî Ozdemîr, hevserokê DBP’ê Şukru Tapkan, Hevserokên HDP’ê yên bajêr Nîzamettîn Toguç û Bêrîvan Helen Işik, Meclîsa Dayîkên Aştiyê û gelek endamên partiyê beşdarî civînê bûn. Hevseroka HDP’a Êlihê Bêrîvan Helen Işik, diyar kir ku wan starta xebatên hilbijartin dan û wiha axivî: “AKP’ê 7 caran OHAL dirêj kir û dixwaze di OHAL’ê de qezenc bike. Lê hêzên demokratîk li ser sindoqan dê ji AKP û desthilatdariya Qesrê re bêjin êdî bese. Gel ê bersiva pêwîst bide wan.”
Işik, bang beşdarbûna xebatên hilbijartinê li Êlihiyan kir û wiha got: “Gelê me dê xwedî sandiqan û vîna xwe derbikevin. Deng namûse, dengê xwe bide xwe û vîna xwe hilbijêre.”