ENQERE - Nexweşxaneya Numune û DMME'ê ji bo Nûriye Gulmen rapora "Bi tenê nikare bimîne" nivîsandibûn. Heman nexweşxaneyê niha jî got "Pêdivî pê tune" û desdûr nade ku refeqatvan li cem Gulmen bimîne. Prz. Aytul Kaplan, diyar kir ku ev yek hewldana mudaxaleya bi zorê ye.
Çalakiya greva birçîbûnê ya Nuriye Gulmen û Semîh Ozakça yên bi KHK'ê hatin îxrackirin û dest bi grevê kirin di roja 217’an de berdewam dike. 2 roj beriya rûniştina doza Gulmen ew birin Nexweşxaneya Numune rakirin serwîsa Lênerîna zêde (Lezgîn). Gulmen, di 9'ê cotmehê de dîsa ew ji beşa lezgîn derxistin û birin qawîşa Nexweşxaneya Numune.
HEVDÎTIN BI PARÊZERAN RE DAXISTIN 5 DEQÎQEYAN
Prz. Aytul Kaplan a ku roja borî Gulmen ziyaret kir, diyar kir ku Gulmen birine qawişa mahkûman. Kaplan, anî ziman ku dema çû beşa lênerîna zêde (Beşa lezgîn) wê demê fêr bû ku ji beşê lezgîn derxistine. Dema li beşa lezgîn bû hevdîtina bi parêzeran re daxistibûn 5 deqiqeyan. Lê dema birin kawîşê jî dîsa hevdîtin bi 5 deqîqeyan bi sînor kirin. Em bawer dikin ku jibo pirsgirêka refaqetvanan çareser bikin Gulmen birin kawîşê. DMME'e got "Bi tena serê xwe namîne" Niha jî dibêjin "Refaqetvan nikare bimîne." Kaplan, anî ziman ku rapora DMME û Nexweşxaneya Numune ya bi tena serê xwe nikare bimîne heye û wiha got: "Dema me bi dozger re hevdîtin kir, dozger diyar kir ku nexweşxaneyê aniye ziman ku pêdivî bi refaqetvan tune. Di ser biryarê re 3 meh derbas bûn. Kesek ku di greva birçîbûnê de be, dê çawa pêdiviya wê bi refaqetvan tune be. Ji ber ku dixwazin mudaxaleyî Nuriye bikin naxwazin refaqetvan li gel wê bimîne. Dixwazin bi muaxaleyê dawî li çalakiya wêya greva birçîbûnê bînin.
Kaplan, anî ziman ku cihê Gulmen lê tê girtin ronahî lê tune û wiha got: "Dema di hevditinê de destûr neda em biçin odeya wê. Dema Kaplan ji odeyê derxistin ez nêzî derî bûm. Min di derî de hundirê odeyê dît. Hundirê odeyê wekî şevê bû. Gelek doşek li o deyê hebûn. Ode tarî bû. Der barê paqijbûna odeyê û şertên odeyê de min nekarîbû çavdêriyê bikim. Ez tenê 5 deqîqeyan bi Gulmen re rûniştim. Nûriye li dijî hevdîtina 5 deqîqeyan derket. Got vir ne beşa lezgin e. Çima hûn hevdîtinê bi 5 deqiqeyan bi sînor dikin. Nûriye anî ziman ku ji serê sibê de li benda refaqetvan e. Nuriye got rayedaran ji wêre gotiye agahî dane dayika wê, Lê hêj refaqetvan nehatiye. Nûriye xwest mijara revaqetvan demek berî demekê hal bikin. Got 'Ez qet ronahiyê nabînim. Pir bi hêrs im."