* Seyfullah Turan ê di 23’yê Nîsana 2009’an Roja Cejna Zarokan de, li Colemêrgê polîsê hêzên taybet bi qûndaxa çekê li serê wî xist, travmaya berî 9 salan jiya nikare derbas bike. Turan, diyar kir ku polîsê xwest wî bikuje, nehat cezakirin û 9 salin li derve digere.
* Serokê Giştî yê DÎSK'ê Kanî Beko, hemû derdoran vexwand qadên 1'ê Gulanê û got: "Divê hemû derdorên ehlê aştî, wekhevî, azadî, biratî, edalet, maf û azadiyên sendîkalî ne pêşî di 1'ê Gulanê de û paşê jî di hilbijartinan de bên gel hev."
* Hevserokê HDP'ê yê Stenbolê Cengîz Çîçek, diyar kir ku ew ê di 1'ê Gulanê de karta zer nîşanî îtifaqa AKP-MHP'ê bidin û di 24'Ê Hezîranê de jî karta zer nîşan bidin. Çîçek herkesî vexwand qadên 1'ê Gulanê.
* Li Girtîgeha Tîpa M a Alaşehîrê komek nîjadperest êrîşî Cîhat Çelîkê girtî kiribûn û paşê gardiyanan jî ew derb kiribûn. Rêveberiya girtîgehê giliya Çelîk raçav kir û di raçavkirinê de personelê xwe "bêqisûr" nîşan da û ji bo pêvajoyê jî got "li gorî mewzûatê" ye.
* Hevşaredara Cizîrê Leyla Îmret ku qeyûm tayînî şûna wê hat kirin, der barê pêkanînên li Efrînê yên bi destê hikûmeta AKP'ê ji aliyê OSO û komên selefî ve tên kirin got: "Gelê kurd ev polîtîkayên ku berê bi qeyûman xistin dewrê li pûç kirin."
* Dersimiyan hilbijartina zordest nirxand û diyar kirin ku divê li hemberî îtifaqa AKP-MHP'ê muxalefet bibe yek. Mehmet Demîr Pençeyê 93 salî, destnîşan kir ku eger îtifaqa AKP-MHP'ê di sindoqan de neyê binaxkirin dê hewldanên wekî komkujiya 38'an rû bidin.
* Colemêrgiyan bersiv da gotinên “Wan di sindoqan de veşêrin” ên Erdogan ku biryara hilbijartina zordest da û wiha gotin: “Em AKP’ê ji xwe re nakin hevrik jî. Em ê 7’ê hezîraneke din bînin serê wan.”
* Kongreya Demokratîk a Gelan (HDK), Dê civîna giştî ya serdema 8'emîn pêk bîne. (10.00)
* Ciwanên Navenda Giştî ya
HDP'ê, dê li avahiya HDP'ê ya Bagcilar a Stenbolê, bi tevlêbûna Hevserokê Giştî yê HDP Sezai Temellî civîna xwe pêk bînin. (10.00)
* Parazvanên ekolojiyê dê li dijî astengkirina mîtînga “Em li Sinopê Santrala Nukleerê naxwazin" li pêş Sûreya Opera ya Kadikoyê daxuyaniyê bidin çapemeniyê. (13.00)
* Partiya Demokratîk a Gelan (HDP), bi armanca stratejiya hilbijartinê diyar bike dê li navenda giştî kom bibin.
* Platforma Memleket Em in, di çarçoveya "Hevdîtina Azad" de li Odeya Endezyarên Înşaetê (İMO) ya Stenbolê kom bibin. (10.00)