BEDLÎS - Ji 15 gundiyên li gundê Peyindas ê girêdayî navçeya Tetwanê hatin binçavkirin agahî nayê girtin.
Li çoltera gundê Peyindas ê girêdayî navçeya Tetwan a Bedlisê duh di saetên serê sibê de di navbera leşker û PKK’iyan pevçûn derketibû û leşkerên ku bi ser gund de girtin 15 gundî binçavkirin. Li herêma ku şerên dijwar lê diqewimin gundiyên bi navê Kerem Arvas, Mûstafa Tedbîrlî, Necîp Tedbîrlî, Heybet Çelîk, Serkan Îpek, Garîp Îpek, Ekrem Avras, Ahmet Çelîk û 7 gundiyên navên wan nehatin zanîn hatin binçavkirin. Hate zanîn ku leşkeran gef li Kerem Arvas xwarine û bi lêdanê binçavkirine. Ji 15 gundiyan agahî nayê girtin.
Malbatên gundiyên hatin binçavkirin diyar kirin ku ji saetên serê sibê ve agahiyê ji zarokên xwe nagirin û bi lêv kirin ku ji jiyana zarokên xwe bi fikar in.
Li aliyê din têkildarî welatiyên hatin binçavkirin ji saziyên têkildar tu daxuyanî nehatin dayîn.