* Seroka Komeleya Piştevaniyê ya Nexweşên Şîzofrenî û Xizmên Wan a Dîlokê Serpîl Acioglû, diyar kir ku wan xwestiye 11'ê Nîsanê Roja Têkoşîna Li Hemberî Şîzofreniyê Cîhanê bi çalakiyekê derbas bikin, lê belê Şaredariya Mezin a Dîlokê bersiv nedaye wan. Acioglû, ev nêzîkatî rexne kir û divê bi mantiqa dengan (rayan) li komeleya neyê nêrîn. 

 

* Nivîskar û senarîst Osman Şahîn ku di Mîhrîcana Fîlman a Stenbolê ya 37'an de layiqî "Xelata Rûmetiyê ya Sînemayê" hat dîtin, diyar kir ku wî tevî Yilmaz Guney çîrokên xwe li sînemayê guncandine û got "Tiştên min nivîsandine çîrokên kesên ji rêzê ne. Çîrok û xeberoşkên wan jî hene. Û min zaf hij wan mirovan kir." 

 

* Li Dersimê amadekariyên 1'ê Gulanê Cejna Karkeran didomin. 

 

* Hasan Bûdak (74) ku ji sedî 96 berasteng e li ser îfadeya îtrafkaran ku gotibûn zebzebên baxçeyê xwe daye PKK'yiyan û propaganda kiriye hat girtin, bi daxwaza 15 sal cezakirina wî doz lê hat vekirin. Ji ber ku îtirafkar taybetmendiyên fizîkî û qisûrên bedena wî zanibûne, ev zanebûna wî wekî delîlên tawanbariyê hatin nîşandan. 

 

* Li Sekreteriya Giştî ya Şaredariya Mezin a Amedê ya qeyûm tayînî wê hat kirin Muhîsn Eryilmazê ku berê du caran ji AKP'ê bû endam lê nehat hilbijartin hat bicihkirin. Her wiha serokatiyên daîreyan jî pêşkeşî malbata Wezîrê AKP'î yê berê Mehdî Eker hat kirin. 

 

*  Buroya Hiqûqê ya Asrinê, ji ber ku rapora CPT'yê ya Îmraliyê piştî 2 salan şûnde hatiye daxuyandin û ne rojane ye û rê li ber tiştên xelet vedike îtiraz kir. Buroyê di raporê de gelek nehiqûqî rêz kirin û ji CPT'yê xwest careke din serdana Îmraliyê bike. 

 

* Parlementera HDP’ a Amedê û endama şandeya HDP’ê ya Başûrê Kurdistanê Feleknas Uca anî ziman ku tifaqa ji bo gelê kurd ji nan û avê pêwîstir e. Uca der barê biryara hilbijartina pêşwext de jî axivî û desetnîşan kir ku wê gelê kurd bi rihê 7’ê Heziranê bersivê bide desthillatdariyê.

 

* Li Êlihê ji ber petrolê madeyên giran tev li hewayê dibin û bi çêkirina bendavan re avhewa diguhere. Cotkaran, diyar kir ku hevsengiya avhewayê xerab bûye û gotin: “Dê îsal hişkayî, ji her wextî bêtir bandorê li me bike." 

 

* Welatiyên Wanê der barê hilbijartina pêşwext de axivîn û gotin: “Em ji Hezîranê hez dikin. Wê rojê em ê wan têk bibin. Em ê tifaqa ku xwestin li Efrînê bi rûmeta gelê kurd bileyizin têk bibin. Dê çem û çem biçin.”

 

* Walîtiya Wanê 112 zozan û çol bi hinceta “Herêma Ewlehiya Leşkerî ya Derbasdar” li xwediyên sewalan qedexe kiriye. Xwediyên sewalan anîn ziman ku ev biryarê wan mexdûr kiriye û heke ev qedexe ranebe dê sewalên xwe bifiroş in. 

 

* Aktîvîst Songul Ozînver, der barê pêşnûmeya qanûnî ya îstîsmara zayendî ya pêşkêşî meclîsê hat kirin de axivî û got: “Ev ne pirsgirêka tenduristiyê ye, awayê tundiyê ye. Îstîsmar awayekê tundiyê ye. Divê ev neyên piştguhkirin û li gorî vê yekê cezayên pêwîst bên dayîn.”

 

* 2'emîn danişîna doza 50 kesên li navçeya Nisêbînê piştî qedexeyên derketina kolanan hatin binçavkirin û girtin, dê di roja 5'emîn de li Mêrdînê berdewam bike. 

 

* Berdevkê HDP'ê Ayhan Bilgen, dê li navenda HDP'ê der barê geşedanen dawî de civîna çapemeniyê pêk bîne. (11.00)  

 

* Platforma Ji Xerakirina Sûrê re Na, dê têkildarî 28'ê Nîsanê Roja Çalakiya Cîhanê ya ji bo Heskîf û Sûrê li Odeya Endezyarên Avahîsazan dê civîna çapemeniyê pêk bîne. (11.00) 

 

* Baroya Amedê, ji bo kujerên Serokê Baroya Amedê yê berê Tahîr Elçî bên dîtin û darizandin û Elçî bibîr bînin dê di hefteya 123’an de çalakiya xwe berdewam bikin. (13.30)

 

* Meclîsa Jinan a KESK'ê ya Stenbolê, dê têkildarî pêşnûmaya îstîsmara zayendî ku pêşkêşî meclîsê bê kirin li şaxa 6'emî ya Egîtîm Sen'ê ya Stenbolê civîna çapemeniyê pêk bînin. (15.00)

 

* Hevserokê Giştî yê HDP'ê Sezai Temellî dê li Edeneyê û Hevseroka Giştî ya HDP'ê Pervîn Buldan dê li Kocaeliyê esnafan ziyaret bikin. (10.00-20.00)