AMED / RIHA - Li Bismîlê, di serdegirtina malan de ji 18 kesên hatin binçavkirin 8 jê hatin girtin. Li navçeya Wêranşar a Rihayê jî 11 kes hatin binçavkirin.

 

Li navçeya Bîsmîla Amedê, polîsan di 11’ê Nîsanê de hemwext bi ser malan de girtin, rêveberên HDP û DBP’ê jî di nav de 18 kes binçav kirin û di çarçoveya lêpirsînê de anîn Midûryeta Polîsan a Amedê. 18 kesên îfadeyên wan li Midûryeta Polîsan hatin girtin, sewqî Edliya Amedê hatin kirin. Piştî îfadeyên wan a li dozger hatin girtin, 7 kes hatin berdan û 11 kes jî bi îdîaya “Endamên rêxistinê” sewqî Dadgeha Cezayê Sulhê ya Amedê hatin kirin. Dadgehê piştî îfadeya 11 kesan girt û şûn de, ji bo Edîp Oruç, Yasîn Karabulut, Bayram Akduman, Imer Gokalp, Ekrem Araz, Mustafa Baz û du jinên navên wan nehatin zanîn, biryara gitinê da û 3 kesên din jî bi şertê “Kontrola erdê” serbest berdan. 

 

Hat diyar kirin ku lêpirsîn di çarçoveya materyalên dîjîtal ên di wesayîta Nevzat Gunduz (Azad Ferqîn) ê di 21’ê Tebaxa 2016’an de li Çewligê ji aliyê leşkaran ve hat desteserkirin de, hatiye dest pêkirin û biryara veşartinê danîn ser lêpirsînê. 

 

11 KES LI RIHA HATIN BINÇAVKIRIN

 

Li navçeya Wêranşar a Rihayê cendirmeyan bi ser 12 adresên malan ên 5 taxan de girtin û 11 kes binçav kirin. Hinceta serdegirtin û binçavkirinê nehat zanîn û kesên hatin binçavkirin birin Fermandariya Cendirmeyan.