Kongreya Civaka Demokratik (KCD), ji bo yekîtiya neteweya kurd bi 50 sazî û rêxistinên civakî û partiyên siyasî yên li Wanê re dest bi hevdîtinan kir.

Delegeyê KCD'ê yên Wanê ziyaretên bi partî û rêxistinan re pêk anîn nirxandin û anîn ziman ku ziyaretên wan erênî derbas bûne. Delegeyê KCD'ê Seyid Karabiyik, diyar kir ku yekîtî ji bo kurdan pir girîng e û wiha got: “Pêvajoya ku îro em di navde gelek tişt ji me dixwaze. Kerkukê gelek tişt fêrî me kir. Ger ku îro em bûbûna yek Kerkuk di nava  2 saetan de ji destê me dernediket. Di 200 salan de nedihat dagirkirin. Ji ber em nebûn yek Kerkuk ji destê me derket. Ji ber vê yekê divê teqez yekîtiya Neteweya Kurd bê avakirin. 

 

Karabiyik, anî ziman ku li Wanê bi nêzî 50 rêxistinên civakî û demokratîk û partiyên siyasî re hevdîtin kir û ziyaretên wan erênî derbas bûn û wiha got: "Hemûyan bersîvên erênî dan. Hemûyan diyar kirin ku ger dest ji Kerkûkê girtibûna dê Efrin wisa nebûya. Heta yekîtiya kurdan pêş bikeve em dê xebatê bimeşînin. Xebatên me wekî Înisiyatifê pêş dikevin. Hekû kesên yekîtiya neteweya kurd dixwazin dikarin di nava înîsiyatifê de cih bigirin. Xebatên me dê bi berfirehî berdewam bikin. 

 

 ‘YÊN LI SER BESMELE NEBÛN YEK LI DIJÎ KURDAN BÛNE YEK

 

Delegeyê KCD'ê Îbrahîm Sungur jî anî ziman ku li rojhilata Navîn gelek netew û bawerî hene û wiha got: "Mislimanên hêj li ser besmeleyê nebûne yek li dijî kurdan û ji bo dijminantiya kurdan dibin yek. Ji ber vê yekê divê kurd bibin yek. Heta niha yekîtiya kurdan a li ser baweriya ol zêde tiştek bi kurdan neda qezenç kirin. Serokê Karên Diyanetê yê Tirkiye ku erka wî aştî, aramî û edalet e, di televîzyonan de bana şer û cihadê dike. Li gorî ol cîhat li dijî kafîran û ne mislimanan tê kirn. Lê ev cîhanê di dijî birayê xwe yên misliman dikin. 

 

MA / Mahmut Rûvanas