NAVENDA NÛÇEYAN - Komek nûnerên rêxistinên civakî û welatî yên ku kampanya ji bo piştevaniya Efrînê dimeşinin, daxwazname amade kirin û radestî Neteweyên Yekbûyî kirin.
Komek nûnerên ku ji endam û rêveberên rêxistinên civakî û demokratîk û welatiyan pêk tên û kampanyayê dimeşînin; ji bo balê bikişînin ser rewşa mirovî ya Efrîn daxwaznameyek radestî Neteweyên Yekbuyî hat kirin. Endamên kampanyaya ku 16’ê Adarê ji bo mexdûrên Efrînê hat destpêkirin, li bajarê Silêmanî daxwaznameyek ji bo rewşa mirovî ya Efrînê radestî nûnertiya Neteweyên Yebuyî kirin. Endama kampanyayê Sema Mihemed, li ser navê heyetê daxuyanî da û wiha got: “Em daxwaz ji Neteweyên Yekbuyî, civaka navnetewî û rêxistinên mafê mirovan dikin ku demek ji ya din zûtir li hewara gelê Efrînê biçin. Ji ber ku bi hezaran kes ji ber dagirkeriya dewleta Tirk neçar mane mal û warê xwe bihêlin û penaber bibibin. Bi sedan kes jî hatine şehîd xistin.
Gelê Efrînê di rewşek xirab de dijîn û li benda alîkariya mirovî ne.”
Mihemed, herî dawî bal kişand ser rolê Neteweyên Yekbuyî û wiha got: “Niha tenê NY dikare piştgiriyê bigîne welatiyan. Ji bo vê me daxwazên xwe yên ji bo rewşa mirovî radestî Neteweyên Yekbûyî kiriye.” Nûnerê Neteweyên Yekbuyî yê li parêzgeha Silêmaniyê Ebas Elî daxwazname ji nûnerên kampanyayê wergirt. Li bendê ye ku demek zû radestê cihên peywendîdar bê kirin Di daxwaznameyê de hat xwestin ku alîkariya kel û pelên ji bo zarokan, şîr, çadir, doşek û tiştên din yên jiyanî ji gelê Efrînê re bên şandin.