* Rojnameger û nivîskar Koray Duzgoren, bal kişand ser dagirkeriya Tirkiye ya Efrîne û rola hêzên kurevî û herêmî ya li ser dagirkeriyê û wiha got: "Piştî dagirkeriyê dê bi awayekî dembarî bandora neyînî li ser gel çê bibe. Lê dê sinorê rewabûna kurdan firehtir bibe. Kurd dê li Sûriye û Rojhilata Navîn bibin hêza mifteya çareseriyê.
* Serokê Giştî yê OSP Sînan Çiftyurek, bal kişand ser terîda li ser Rêberê PKK'ê Abdullah Ocalan û wiha got: "Ger ku bi ruhê Newrozê em dakevin kolanan dê tecrîd bişikê." Serokê Giştî yê Partiya Şoreşger Musa Piroglu jî têkildarî tecrîda li ser Ocalan got: "Ger ku Ocalan azad bibe dê demokrasî pêş bikeve û ji bo pêşketina demokrasiyê divê Ocalan azad bibe.
* Endamê Koma Aştiyê Nûrettîn Turgut ê di 2009’an de li ser banga Rêberê PKK'ê Abdullah Ocalan ji bo aştî û çareseriya demokratîk hat Tirkiye, diyar kir ku tecrîda li Îmraliyê li hemû girtîgehan belav bûye û wiha got: "Ji bo tecrîd rabe em dê têbikoşin.
* Endamên Platforma Dijberî Santrala Nukleer (NKP), li dijî avêtina bingeha Nukleerê bertekên xwe anîn ziman û diyar kirin ku tevî hemû nerazîbûnên wan dîsa bingeha santralê hat avêtin. Endamên NKP'ê wiha gotin: "Em ji bo pêşerojek xweş diyarî xweza û welatê xwe bikin em destûr nadin santralên nukleerê."
* Nivîskarê Rojnameya Ozgurlukçu Demokrasî Pakrat Estukyan, bertek nîşanî desteserkirina Rojnameya Ozgurlukçu Demokrasî da û wiha got: "Rojnameya Ozgurlukçu Demokrasî cihê ku min azad lê dinivîsî bû. Li Tirkiye ne tenê çapemenî, hemû qadên jiyanê di bin zextan de ye. Hikûmet dengê cuda tehamul nake."
* Personelê Fakulteya Tipê yê Zanîngeha Egeyê Îlhan Yaman, diyar kir ku hikûmetê bi “Mizginiya Taşeron" karker ji kar dûrxistine û wiha got: "Ez bi vê pergalê betal mam. Ez û hevsera xwe wekî hev astengdar in û nikarin kar bikin." Yaman piştî ji kar hat avêtin li pêş fakulteyê dest bi çalakiyê kir.
* 7 Edîdor û xebatkarên Rojnameya Ozgurlukçu Demokrasî yên hatibûn binçavkirin li bendê ye ku sewqî dadgeha Çaglayan a Stenbolê bikin.
* Danişîna doza Parlamentera HDP'ê Gulser Yildirim a girtî tê darizandin, dê li 3'emîn Dadgeha Cezayên Giran a Mêrdînê bê dîtin. (14.00)
* Gera heyeta HDP'ê ya ji bo yekîtiya Neteweya Kurd a li Herêma Federal a Kurdistanê dê bê şopandin.