Li kolanên herî qelebalix ên Amedê bi desteka qeyûman li kolanên qelebalix ên Amedê, posterên Serokomar Erdoganê AKP’î tevî alên AKP’ê û tirk li dîregan hatine daliqandin. Ev poster ji salekê zêdetir e daliqandîne. Li Kolana Hawirdorê, Bûlwara Rihayê, Kolana Xarpêt bi hemû dîrengan ve posterên Erdogan  daliqandî ne. Hevserokê HDP’ê yê Amedê M. Şerîf Çamci ev rewş nirxand û destnîşan kir ku alayên AKP’ê yên hatine daliqandin ne tercîha gel e. 

 

‘BI ALAYAN PEYAMA SÛBLÎMÎNAL TÊ DAYÎN’ 

 

Çamçi, diyar kir ku di ser kongreya AKP’ê ya bajêr de mehek derbas bûye, lê belê hîn jî alayên AKP’ê û posterên Erdogan ên li tevahiya bajêr hatibûn daliqandin nehatine rakirin. Çamçi destnîşankirin ku bi vî awayî peyama sûblîmînal didin gel û di wesfê şerê derûnî de ye. Çamçi got: “Partiyeke ku li bajêr ji sedî 20 deng wergirtine, alayên wê li hemû kuçeyên bajêr hatine daliqandin, lê belê HDP’a ku li bajêr ji sedî 80 deng wergirtine daliqandina alayên wê qedexe ye. Di nezda gel de tu beramberiyeke vê yekê tune ye.” 

 

Çamçi, diyar kir ku bi alayan û posterên Erdogan xemilandina navenda bajêr, tê xwestin ku ser derhiqûqiya li bajêr bê nixumandin. Çamçi got: “Dixwazin bîbiriyeke wekî ku gelê bajêr xwestina û wan ew ala daliqandine bidin der. Tu eleqeya vê yekê bi rastiyê re tune ye. Gelê Amedê hay ji polîtîkayên AKP’ê heye. Tiştên wisa hêrsa gel zêdetir dike.” 

 

‘KESÊN DIXWAZIN TERCÎHA GEL A RASTEQÎN BIBÎNIN BILA LI QADA NEWROZÊ BINERIN’ 

 

Çamçi, destnîşan kir ku ev tişt li gelek navçeyên Amedê jî hatiye kirin. Çamçi diyar kir ku li hin navçeyan rayedarên dewletê bi zorê ala bi esnfan dane daliqandin. Çamçi bi lêv kir ku divê ev yek wekî tercîha gel neyê zanîn û got: “Vê yekê bi darê zorê dikin. Çimkî di nezda gel de tu beramberiyeke vê yekê tune ye. Ev pratîkên faşîzmê yên li ser gel in.Eger dixwazin tercîha rasteqîn a gel bibînin, bila li qada Newrozê binerin.”