8'emîn danişîna doza cînayetê rewşenbirê kurd Musa Anter ê ji aliyê JÎTEM'ê ve hat kuştin li 6'emîn Dadgeha Cezayên Giran a Enqereyê hat dîtin. Di danişîna dozê cînayetê Musa Anter ê di sala 1992'an de hat kuştin de, dosyaya Endamê JÎTEM'ê Mahmut Yildirim ê bi kodê “Yeşil" jî di navde 4 bersûcan û dosya doza JÎTEM'ê ku 16 bersûcê wê hene kirin yek. Ji bersûcên serbest tên darizandin Savaş Gevrekçî û kesê bi navê Hamit Yildirim ku di rûnîştina berê de hat berdan li salonê amade bûn. Kurê Musa Anter Dicle Anter jî tev li danişîna dozê bû û doz şopand. Piştî xwendina nasnameyan ewil parêzerê mudafî Selim Okçuoglu parastin kir û xwest der barê Mahmut Yildirim "Yeşil" de geşedanek nû heye û xwest ev agahî bê lêkolînkirin. 

 

Prz. Okçuoglu, anî ziman ku Serokê Daîreya Îstixbaratê yê berê yê Fermandariyê Îsmail Hakki Pekin di bernameyek televîzyonê de got Mahmut Yıldırım dijî li Tirkiye ye. Prz. Okçuoglu, xwest piştî vê agahiyê Îsmaîl Hakki Pekîn tev li danişînê bibe û agahiyê li cem xwe bi heyeta dadgehê re parve b.ike. Okçuoglu, anî zima nku piştî Mahmut Yıldırım ji holê hat windakirin, agahiyên ku dîsa bi rayedarên MİT'ê de hevdîtin grtin ku hevdîtinên wan heye û wiha got: "Di qeydan de xuya dibe ku Mahmut Yıldırım dijî. Li gorî me jî lîstikek heye. Mirî nîşan dane. lê hevdîtinên wê tên kiin. Em dixwazin qeyd û belgeyên der barê Yildirim de ji nûve bên komkirin û şahid jî bê guhdarkirin. " 

 

Okçuoglu, anî ziman ku bersûc Hamit Yıldırım,li gorî zagonê mecbûrî hatiye berdan û hêj delîl nehatine komkirin. Prz. Okçuoglu, anî ziman ku ew berdana tu kesî naxwazin. 

 

Heyeta dadgehê piştre biryara xwe aşkere kir û xwest Bersûc Hamit Yıldırım ji tevlêbûna dadgehê bê menkirin. Prz. Selim Okçuoglu xwest Îsmail Hakki Pekin jî ji bo şahidiya Mahmut Yildirim bike tev li danişênê bibe. Doz taloqî 11'ê Tirmehê kirin.