Piştî Endamê Komîteya Rêveber a PKK’ê Murat Karayilan, Endamê Konseya Rêveber a KCK’ê Mustafa Karasu jî, agahiyên balkêş ên derbarê Girtîgeha Îmralî û rewşa Rêberê PKK’ê Abdullah Ocalan dan. Li gorî nûçeya ANF’ê, Karasu di gotara nivîsandî de balê dikişîne ser rewşa Ocalan û pêşketinên li Îmraliyê. 

 

‘TV Û RADYOYA CARDIN JI OCALAN GIRTIN’

 

Karasu, diyar kir ku TV’iya Ocalan dişopand û raydoya guhdar dikir cardin jê standin û wiha got: “Li ser Ocalan êrîş zêde bûne. Piştî navenda bajêr a Efrînê hat dagirkirin, li gorî hin agahiyên gehiştin ber destên me, ji ber ku ji sekin û helwesta Rêber Apo rehetsiz bûne, TV û radyoya wî cardin jê girtine. Êdî şert û mercên jiyana wî bi zortir bûye. Ev yek lewazbûna faşîzman AKP-MHP’ê didin nîşandan û êdî ber bi şkestinê vene.”  

 

Karasu di destpêka gotara xwe de bal kişand ser 4'ê Nîsanê rojbûna Rêberê Gelê Kurd Abdullah Ocalan û got, "Vê rojbûnê çarenûsa Kurdan guheriye. Rêber Apo bûye ewladekî ku hêjayî gel, civak û erdnîgariya lê dijî. Şert û mercên çandî û civakî kesayetiya wî afirand. Ev nirxên bingehîn di nava têkoşîna siyasî ya Kurdistanê, Tirkiye û Rojhilata Navîn de veguherî kesayeteke xurt û Rêber Apo bû rêberê azadiyê yê gelê Kurd û gelan."

 

RÊBAZ Û ÎRADEYA ŞOREŞA KURDISTANÊ WÊ GELÊ KURD BI SER BIXÎNE

 

Mustafa Karasu bi bîr xist ku niha li Rojhilata Navîn Şerê Sêyemîn ê Cîhanê diqewime û wiha dewam kir: "Ev şer li mijara rewş û statuya Kurdan aliqî ye. Ji ber vê yekê, dewleta Tirk a ku serkêşiyê ji qirkirin, mêtingerî û dijminatiya li Kurdan dike, li her devara ku gelê Kurd têdikoşe û destketiyan bi dest ve tîne, êrîş dike. Em di demeke welê de ne ku divê gelê Kurd rêbaza bi destxistina azadiyê û rêbaza xwe ya têkoşînê bi rengê herî xurt nîşan bide. Ji ber ku di encama Şerê Sêyemîn ê Cîhanê de wê statuya Kurdan a li her cihî diyar bibe. Lewma rêbaz û îradeya serketina di nava şert û mercên herî zehmet de, ku rêbaza şoreşa Kurdistanê ye divê li her cihî bi xurtî bê nîşandan. Kurd bi têkoşîna xwe ya dehan salan re ji her alî ve xurt bûne. Eger ev yek bi rêbaz û îradeya têkoşînê ya şoreşa Kurdistanê bi kar bîne, wê teqez bi mezinî bi ser bikeve. Rêbaz û îradeya serdema ku Rêber Apo dest bi têkoşînê kir, ev bû. PKK'ê ji ber vê yekê heta niha timî qezenç kir. Ev îrade û rêbaz wê ji niha û pê ve jî bi ser bikeve."

 

PIŞTÎ DAGIRKIRINA EFRÎNÊ TELEVÎZYON Û RADYO JÊ STANDIN

 

Karasu anî ziman, ji ber ku Rêberê Gelê Kurd Abdullah Ocalan xwedî îrade û rêbazeke wiha ye, tecrîda giran li ser tê ferzkirin û got, "Ev rêbaz û îrade ji bo ku di nava şert û mercên Şerê Sêyemîn ê Cîhanê de nebe ronahî ji têkoşîna gelan re, tecrîdeke giran lê tê ferzkirin. Tekane sedema vê tecrîda giran ev e. Dijminên Kurdan, mêtinger û yên destekê didin wan ji ber ku bi vî rengî difikirin, zext û zordariya li zindana Îmraliyê zêde kirine. Piştî ku navenda bajarê Efrînê hate dagirkirin, li gorî agahiyên gihîştin ber destê me, ji ber ku ji helwest û sekna Rêber Apo aciz bûn, televîzyon û radyoya ku tenê çend qenal dikişan jê standine. Şert û mercên jiyanê lê girantir kirine. Hewldaneke bi vî rengî nîşan dide bê faşîzma AKP-MHP çiqasî qels e û li ber şikestinê ye."

 

YEKANE RÊYA LI DIJÎ FAŞÎZMA AKP-MHP'Ê BERXWEDAN E

 

Karasu destnîşan kir ku ji rastiya rêbertî zanin ku li dijî polîtîkayên faşîzma AKP-MHP'ê yekane rê berxwedan e û wiha dewam kir: "Eşkere ye ku di van şert û mercên Şerê Sêyemîn ê Cîhanê de Rêbertî jî li pêşberî êrîşên qirkirinê helwesteke din nîşan nedaye, nîşan nade. Em ji Rêberê xwe ti agahiyan negirin jî, em zanin ku rastî ev e. Hevrê û milîtanên Rêbertî haya wan ji erk û berpirsyariyên xwe yên vê demê hene. Rêber Apo jî zane ku hevrê û milîtanên wî wê çawa tevbigerin, lewma sekna xwe ya li hemberî zextan naguherîne û eşkere ye ku li dijî polîtîkayên vê desthilatdariyê helwestê nîşan dide.

 

Di rojbûna Rêbertî de ya ku dikeve ser milê me hemû milîtanan û gelê Kurd, têkoşîna bi îradeya Rêber Apo ye ku bi dehan salan îspat bûye. Pîrozkirina rojbûnê û dilsoziya bi Rêbertî bi vî rengî dibe.”

 

DI 2013’AN DE TV DABÛN OCALAN

 

Di 12’ê Çileya 2013’an de TV’î danîbûn odeya Rêberê PKK’ê Abdullah Ocalan û Wezareta Karê Dadê gotibû Ocalan di TV’î de dikare Kanalên TRT-1, TRT-6, CNN Turk, Kanal 7, Samanyolu, Show TV, Kanal D, ATV, Star, Ülke TV, Kanal 24 ve NTV temaşe bike.