QERS - Girtiyên, li Girtîgeha Tîpa T a Xerpetê ji ber ku pêkanîna “Karta nasnameyê” qebûl nekirin meheke dernaketine hevdîtinê. Malbatan, diyar kir ku ger ev pêkanîn bidome dê li ber deriyê girtîgehê dest bi çalakiya rûniştinê bikin.
Hat zanîn ku, li Girtîgeha Tîpa T a Xerpetê “Karta nasnameyê” ferzî girtiyan kirin e. Girtiyên jin ên li qawîşa C-4 a girtîgehê ji ber ev pêkanîn qebûl nekirin, nêzî mehekê ye destûr nayê dayîn, derkevin hevdîtina telefon û ya malbatê. Hevjînê Hevseroka Partiya Herêmên Demokratîk (DBP) a Qersê ya berê Şengul Mehmetoglu, Hayatî Mehmetoglu, diyar kir ku ji 11’ê Îlonê û vir ve agahî ji hevjîna xwe negirtiye. Mehmetoglu, da zanîn ku ji ber tendirustiya hevjîna xwe bi guman e.
‘DESTÛR NADIN PARÊZER’
Mehmetoglu, anî ziman ku destûr nadin girtî bi parêzerên xwe re hevdîtin bikin û wiha axivî: “Hevjîna min ji guhê xwe rehetsize. Piştî bi dehan car çû revîrê û şûn de rêkirin nexweşxanê. Lê ji ber ku xwestin bi kelepçekirî bê muayene kirin, tedawî qebûl nekir û paşve anîn girtîgehê. Rengê reş li girtîgehê hatiye qedexekirin. Bi van pêkanînin amadekariyên kincên yek rengî dikin. Girtî jî li dijî van pêkanînan derdikevin. Ji ber vê yekê girtiyan ceza dikin. Cezayê dîsîplîne dane hemû jinên girtî.”
‘PÊKANÎNÊN DER MIROVAHÎ’
Mehmetoglu, ji rayedarên girtîgehê xwest daxuyanî bidin û wiha got: “Ger tiştek bi serê hevjîna min we re berpirsiyarê wê rayedarên girtîgehê û Wezareta Dadê ne. Niha bi ferzkirina nasnameyan,
‘DÊ DEST BI ÇALAKIYA RÛNIŞTINÊ BIKE’
Mehmetoglu di dawiya axaftina xwe de wiha bilêv kir: “Em malbatên girtiyan heya dawiyê piştgirî didin hemû biryarên girtiyan. Em ê şopdarê hemû bûyeran bin. Li ser navê girtiyên siyasî yên jin dixwazin berdevkekê diyar bikin û biçin bi rayedarên girtîgehê re hevdîtin bikin. Ger ev jî çênebe, dê di pêvajoyên pêş de, li ber deriyê girtîgehê dê daxuyanî bidin çapemeniyê û dest bi çalakiya rûniştinê bikin.”