ENQERE - Komîsyona Li Dijî Cilên Yek Tîpê, yên bi armanca balê bikişînin ser îhlalên li girtîgehan û pêkanînên cilên yek tîp hatin cem hev, bi armanca bi Wezîrê Dadê re hevdîtin bikin dê randevû bixwazin.
Komîsyona Li Dijî Cilên Yek Tîpê ya di nava Înîsiyatifa Li Dijî Yek Tîpê de cih digirin, bi armanca balê bikişînin ser îhlalên li girtîgehan û pêkanînên cilên yek tîp hatin cem hev, bi armanca bi Wezîrê Dadê re hevdîtin bikin, di taştê de li hev kom bûn. Komîsyona Malbatan a li Şaxa ÎHD'ê ya Enqereyê li hev kom bûn, bal kişandin ser xebatên xwe yên têxin meriyetê. Di civînê de Endamê Komîsyonê Nihat Îldan, diyar kir ku zextên li ser girtîgehan zêde dibin û ji bo ew piştevaniya li dijî van zextan mezin bikin malbat hatine cem hev. Îldan, anî ziman ku bi armanca balê bikişînin ser zextên li ser girtiyan û ferzkirina cilên yek tîp ê di nava mehê de bi Wezîrê Dadê re hevdîtin bikin. Îldan, da zanîn ku we dê rendevûyê ji Wezîr bixwazin û wiha got: "Roj roja ku em li zarokên xwe xwedî derkevin e. Em dê vê pirsgirêkê bibin meclîsê. Divê malbat jî di vê pêvajoyê de bi zarokên xwe re tev bigerin. Cilên ku zarokên me li xwe nekin bi tu awayî wan qebûl nakin. Em jî qebûl nakin. Em bang li hemû rêxistinên civakî û partiyên siyasî dikin ku li hemberî vê yekê hestiyar tev bigerin. Roj roja ku em li zarokên xwe xwedî derkevin e."
'EM MIL BIDIN MIL Û TÊKOŞÎNÊ MEZIN BIKIN'
Endama komîsyonê Sevda Karakaya jî bang li hemû malbatan kir û xwest hemû malat û rêxistinên parasvanên mafên mirovan tev mil bidin hev û vê têkoşînê mezin bikin.