Selamî Keleş ê li Girtîgeha Tîpa T a Duzceyê tê girtin, her roj rewşa wî xirabtir dibe, dema ji bo raporê şandin Fakulteya Tibê ya Zanîngeha Duzceyê, piştî 6 mehan rapora "Dikare di girtîgehê de bimîne" dan wî. Keleş di 6'ê Nîsanê de dema sewqî Lijneya Pisporan a Tiba Edlî ya Fakulteya Tibê ya Zanîngeha Duzceyê hat kirin, di beşên tiba edlî, cerrahiy giştî, kardiyolojî, derûnî û norolojiyê de muayene bû.

 

Di raporê de cih dan van gotinan: "27 salî ye, ji sala 2012'an vir ve di girtîgehê de ye û dibistan nexwendiye lê xwandin û nivîsandina wî heye. Dibêje ku hin nexweşiyên min hene. Dema bi şev radizê ji nişkava ji cihê xwe radibe û dixe qîre qîr, çêran dike û tiştên ku nayên gotin dibêje. Ev tişt hevrêyên wî dibêjin lê ew hay ji vê yekê nîne. Dema rojnameyan dixwîne bûyeran davêje serê xwe û piştre qîr dike û tê gotin ku ev nayên bîra wî. Herî dawî hevrêyekî wî ev rewşa wî ya şevê vegotiye."

 

EPÎLEPSÎ YE LÊ NE GIRÎNG E!

 

Di 27'ê Tîrmehê de li Beşa Nuroljoniyê muaneya Keleş tê kirin û tê gotin ku "Nexweşê tê xwestin ji hêla me ve di warê vertîgoyê de bê nirxandin; her dem medê wî li hev dikeve, serê wî gêj dibe, bi giştî bi şev krîzan derbas dike. Tê gotin ku binê xwe şil dike û kef li devê wî dikeve, di dema muayeneyê de di her du çavên wî de şêlubûn heye. Pêşniyar; ji nexweş tatkîkên BT ên şiyarbûnê û deprîvasyonên xewê EEG hatine xwestin. BT ên mêjî û tiştên di EEG'ê de hatine dîtin, nobedên epîleptîk dide nîşan. Heke tedawiya epîlepisyê bibîne dê baş be. Di warê girtina girtîgehê de jî pirsgirêkeke norolojîk tune." 

 

DAYIKA XWE NAS NEKIR

 

Dayika Keleş Guzel Keleş bertek nîşanî rapora "dikare di girtîgehê de bimîne" jî da û aşkera kir ku hefetya derbasbûyî ew çûye hevdîtina vekirî, lê kurê wê ew nas nekiriye. Dayik Keleş piştrast kir ku ew ê bi parêzeran re ji raporê re itirazê bikin. Keleş destnîşan kir ku her gava ku ew helandina kurê xwe dibîne, ew jî pêre dihele.