STENBOL - Serokê Giştî yê TGS’ê Gokhan Durmuş, Serokê Giştî yê TGC Turgay Olcayto û Serokê Giştî yê DÎSK/Basin-Îş Faruk Eren bertek nîşanî serdegirtina Ozgurlukçu Demokrasî dan û gotin: “Dixwazin Ozgurlukçu Demokrasî bêdeng bikin, lê dê nekarin bêdeng bikin.” 

 

Rêxistinên çapemeniyê û rojnamegeran bertek nîşanî serdegirtin Ozgurlukçu Demokrasî û Çapxaneya Gun dan û tayîn kirina qeyûm şermezar kirin. 

 

TGS: JI BO NÛÇEYAN DIVÊ TÊKOŞÎN BÊ DAYÎN

 

Serokê Giştî yê Sendîkaya Rojnamegerên Tirkiyeyê (TGS) Gukhan Durmuş, diyar kir ku piştî koma Medya Dogan firotin qeyûm tayînê rojnameya Ozgurlukçu Demokrasî kirin û wiha axivî: “Êrîşên li ser çapemeniyê êdî gihaye asta herî jor. Ev rewş nahêlê gel mafê xwe yê nûçe girtinê bi kar bîne. Bi serde girtina Ozgurluçu Demokrasî û qeyûm tayînê rojnamê kirin, mafê gel ê agahî girtinê asteng dikin. Li pêşiya me hilbijartinên 2019’an hene. Berî vê dixwazin aliyên mûxalîf bêdeng bikin. Ji bo nûçeyan divê em hîn zêdetir têkoşîn bikin.”

 

Durmuş, da zanîn ku tişta anîn serê Ozgurlukçu Demokrasî, dê bînin ser ê rojnameyên mûxalîf jî û wiha got: “Berê jî rojnameya Gundêmê girtin, li şûna wê Ozgurlukçu Demokrasî hat derxistin. Bila qet mereq nekin dê Demokrasî bi navekê din derbikeve. Bi tayîn kirina qeyûm dixwazin rêveberiya rojnamê bê bandor bikin.  Di mijara qeyûmê de, hemû saziyên medya yên mûxalîf jî di talokê dene.”

 

TGC: HER ROJA DERBAS DIBE MAFÊ GEL Ê NÛÇE GITINÊ TÊ BINPÊKIRIN

 

Serokê Giştî yê Cemiyeta Rojnamegerên Tirkiyeyê (TGC) Turgay Olcayto jî, diyar kir ku mafê nûçe girtin gel her roja derbas dibe ji destê wê tê girtin û wiha got: “Em dixwazin demildest OHAL rabe û êrîşên li ser rojnamegeran bi dawî bibin. Çapemeniyek yek tîp û mirovên yek tîp dixwazin. Dibe ku di her kêliyê de bi ser çapemeniyên din de jî bigirin. Heya ku OHAL hebe, dê KHK jî hebin û ferman jî hebin. Di rojên pêş de dibe ku êrîşî saziyên çapemeniya mûxalîf jî bikin.”  

 

BASIN ÎŞ: NIKARIN OZGURLUKÇU DEMOKRASIYÊ BÊDENG BIKIN

 

Serokê Basin ÎŞ'ê Faruk Eren jî bertek nîşanî tayînkirina qeyûma li ser Rojnameya Ozgurlukçu Demokrasiyê dan û wiha got: "Hêj gelek rojnameger girtî ne. Koma Medya ya Dogan firotin. Niha jî qeyûm tayînî Ozgurlukçu Demokrasiyê kirin. Îktîdar weşanên ku ne li gorî dilê wê qut dike. Ev jî perçeyek pêlê astengiya li ser çer çapemeniya azad e. Rojnameya Ozgurlukçu Demokrasi ji bo Tirkiye rojnameyek pir giring û bi wate bû. Ji bo çapemeniya azad bêdeng bikin, Ozgur Gundem girtin. Bombe kirin. Niha jî qeyûm tayînî Ozgurlukçu Demokrasiyê kirin. Bi qeyûmê dixwazin çapemeniya azad bêdeng bikin. Lê dê Ozgurlukçu Demokrasiyê dengê xwe bilind bikin û dê neyê bêdeng kirin." 

 

SOZERÎ: FIROTINA KOMA MEDYA YA DOGAN ŞIKANDINEK E

 

Rojnamegegr Ceren Sozerî ji bertek nîşani tayinkirina qeyûmê da û wiha got: "Ev nîşan dide ku dê ji niha û şûnde zextên li ser çapemeniyê zêdetir bibin. Bi firotina Koma Medya ya Dogan di çapemeniyê de şikandinek ava kirin. Em ji xebatkarên rojnameyê re dibêjin derbasî be." 

 

KAPLAN: ROJNAMEGER DÊ HER DEM KARÊ ROJNAMEGERIYÊ BIKIN

 

Editorê Rojnameya Karinca Çagdaş Kaplan, jî bertek nîşanî tayînkirina qeyûmê da û wiha got: "Beriya hilbijartinê dixwazin dengê rastiyê qut bikin. Ji bo planên xwe têxin meriyetê dixwazin hemû çapemeniya muxalif bêd8eng bikin. Hefteya borî Zagona RTuK'ê li meclîsê erê kirin. Dixwazin kesên li ser rêya înternetê weşanê dikin jî têxin bin kontrola xwe. Bi RTUK'ê weşana înternetê jî dê kontrol bikin. Dixwazin hemû ragihandinê têxin bin kontrola xwe. 

Wekî Medya Doganê jî dixwazin hemû medya di hawizekî de kom bikin û wî hawizi jî bi xwe ve girê bidin. Lê dengê hin çapemeniyê di hawiz de hilnayê. Deh qat bidin 

 

Kaplan, anî ziman ku ger qeyûm tayînî çapemeniya kurd bikin, dê rê li pêş tayînkirina qeyûmê ya çapemeniya din jî veke.