STENBOL – Heyeta dadgehê îdîanameya der barê endamên ESP, EHB, parêzer û nûçegîhanên ETHA jî di navde 13 jê girtî 23 kesan de hat amadekirin qebûl kir. Daxuyaniya ESP’ê ya li bêş edliyê wekî delîla têkiliya ESP'iyan bi MLKP'ê re nîşan dan.
Serdozgeriya Komarê ya Stenbolê, îdîanameya der barê rêveberên ESP'ê, parêzerên Buroya Hiqûqa Bindestan (EHB) Sezin Oney û Ozlem Gumuştaş û nûçegîhanê Ajansa Nûçeyan a Etkin (ETHA) Îsminaz Temel û Havva Cuştan jî di navde 13 jê girtî 23 kesên tên darizandin amade kir. Dozger bi îdîaya “Endamtiya rêxistinê" û “Propaganda rêxistinê kiriye" îdîaname amade kir. Dozger di îdîanameyê de diroka MLKP’ê vegot. Dîsa cih da îfadeyên şahidên nepen.
DAXUYANÎ DELÎL NÎŞAN DA
Dozger daxuyaniya ESP'ê ya li ber Edliyê wekî ku "Endamên MLKP'ê ye" nîşan da. Dîsa ij ber ku endamên ESP’ê tev li merasima cenazeyên şervanên li Rojava bûne wekî delîl nîşan da. Dozger hemû nûçeyên ku Rojnameger Îsminaz Temel û Havva Cuştan şopandine wekî tev li çalakiyan bûye nîşanda. Dozger xwest parêzer Sezin Uçar û Gülhan Kaya her yek 28 salan, Prz. Ozlem Gumüştaş 22.5, editora ETHA Îsminaz Temel, 15, nûçeg3ihana ETHA Havva Cuştan 22.5 salan bê cezakirin. Heyeta 27'emîn Dadgeha Cezayên Giran a Stenbolê îdîaname qebûl kir û dê yekemîn danişîna dozê di 16'ê Tîrmehê de bê dîtin.