STENBOL - Nobeta Edaletê di hefteya 50’emîn de li ber Edliyeya Çaglayanê berdewam kir. Rojnameger Ahmet Şik jî tev li Nobetê bû û got: "Ji ber me rojnamegerî kir em hatin girtin. Em ji kesên em girtin de dubare dibêjin; Em teslîmî tariya we nabin."
Parêzeran ji bo hempîşeyên xwe yên girtî di hefteya 50'emîn de Nobeta Edaletê ya li Edliyeya Çaglayanê berdewam kirin. Parêzeran wêneyên parêzerên girtî rakirin. Di çalakiyê de şanoger Genco Erkal, Rojnameger Ahmet Şik û Murat Sabuncu yên çarşema bori hatin berdan û gelek nûnerên saziyên demokratîk amade bûn. Di çalakiyê de Prz. Kemal Aytaç, diyar kir ku sibê li Navenda Silivrî dîsa doza rojnamegerên Cumhuriyetê dê bê dîtin û xwest her kes tev li danişîna dozê bibin. Gerînendeyê Giştî yê Rojnameya Cumhuriyetê Murat Sabuncu jî diyar kir ku têkoşîna wan a Rojnameya Cumhuriyetê ya hiqûqê dê bidome.
Rojnameger Ahmet Şik jî diyar kir ku 50 hefte ne li dijî hemû zext û tundiyê daxwaza edaletê dikin. Şik, anî ziman ku Girtîgeha Sîlîvrî bûye sembola faşîzmê û wiha got: "Ji ber me rojnamegerî kir em hatin girtin. Em ji kesên em girtin de dubare dibêjin; Em teslîmî tariya we nabin."