NAVENDA NÛÇEYAN - Tirkiye tevî rêxistinên selefî 55 rojin li dijî Efrînê ji hewayî û bejayî şerekî dijwar dimeşîne. Almanya ku çekan dide Tirkiye piştgiriyek din da Tirkiye. Piştî Tirkiye li dijî Efrînê şer da destpêkirin, Almaya, bi qasî 4 milyon 400 hezar euro malzemeyên leşkerî da Tirkiye.
Şerê Tirkiye ku bi piştgiriya kêmên OSO yên rêxistinên selefî li dijî gelê Efrînê daye destpêkirin di roja 55'an de berdewam dike. Tirkiye ku bi balafirên şer, tang, top û bombeyan Efrînê bombe dike piştgiriyek mezin ya çekan ji Almanya pêşwazî dike. Piştî Tirkiye li dijî Efrînê şer da destpêkirin bi milyonan euro alîkariya çekan ji Almanya girt. Hikûmeta Tirkiye bi milyonan euro alîkariya çekan da Tirkiye. Wezirê Aboriyê yê Alman bi nivîskî bersîv da pirsnameya Parlamentera Partiya Keskan Omid Nouripour, diyar kir ku 4 milyon û 400 hezar euro alîkariya çekan daye Tirkiye. Wezîr anî ziman ku ji bo çekan bide Tirkiye heta niha 14 destûr girtine û heta niha bi qasî 3 milyon û 600 hezar Euro malzeleyên leşkerî dane Tirkiye.
DI ALÎKARIYÊ DE TEKNOLOJIYA KEŞFÊ Û ÇEKÊN BÊ MIROV JÎ HEYE
Li gorî nûçeya ku di Deutsche Welle ya beşa Dirkî de derbas bû, nehat diyar kirin ku Almanya kîjan çek dane Tirkiye, lê diyar kir ku balafirên bê mirov ên keşfê û teknolojiya keşfê daye Tirkiye.
Wezîre Karên Derve yê erka wî bi dawî bû Sigmar Gabriel jî diyar kir ku piştî tevgera leşkerî dest pê kir di sibatê de xwestibûn sewqîyata didin Tirkiye raweste. Gabriel, dema Rojnameger Deniz Yucel hat berdan di 16'ê Sibatê de tev li bernameyek televizyonê bû û diyar kir ku wan a piştî şerê li Bakurê Sûriye dest pê kir, sewqîyata leşkerî nekiriye û wiha got: "Her çendî Tirkiye mutefîkê NATO be jî di rewşê wisa de qedexe ye ku malzemeyên leşkerî bide. "Beriya tevgerê dibû me amûrên leşkerî bişandiya. Lê piştî tevgerê dest pê kir, ji ber tevgerê me dawî li vê yekê anî. Em nikarin vê biryarê biguherînin û em naguherînin."
MUSTEŞAR DIYAR KIR KU SEVQÎYATA ÇEKAN DIDOME'
Musteşarê Wezareta Aboriya Alman Matthias Machnig, bersîv da pirsnameya Parlamentera Partiya Keskan û wiha got: "Almanya li gorî peymana mutefikênên NATO' û rêgezên parastina NATO de tev geriya ye û alîkariya malzemeyên çekan dane. "
Hat îdîakirin ku alîkariya çekan dibe ku bi berdana Rojnameger Deniz Yucel ve girêdayî be. Almanya ji sala 2006'an heta 2011'an tangên şer ên tîpa Leopard 2 dabûn Tirkiye. Musteşarê Wezareta aboriyê Machnig diyar kir ku di meha Çile û Sibatê de bi 9 milyon 700 hezar euro 34 caran destûra îxraraca çekan girtine. Di sala 2017'an de Tirkiye ji bo çekên leşkerî ku ji Almanya kirîbûn 34 milyon 200 hezar euro pere dabû.