AMED - KCD, TJA, DBP, HDP û partiyên di nav Xebata Tifaqa Kurdistanî de cih digirin, qurbaniyên Komkujiya Helebçeyê bi bîr anîn û ev tişt gotin: "Sedemên girîng ên êriş komkujiyan parçebûyina kurdan e. Li hember van êrîşan ji bo ku em destkeftiyan biparêzin pêdiviya me bi avakirina yekitiya netewî heye."
Kongreya Civaka Demokratîk (KCD), Partiya Herêmên Demokratîk (DBP), Partiya Demokratîk a Gelan (HDP) û Partiya Komunist a Kurdistanê (KKP), DDKD, PDK-T, PDK-Bakur, Partiya Azadî ku di nav Xebata Tifaqa Kurdistanî de cih digirin, li Buroya Şêwrê ya Navenda Giştî ya DBP'ê derbarê 34'emîn salvegera Komkujiya Helebceyê ku di 16'ê Adara 1988'an de pêk hatibû û zêdetirî 5 hezar kurdî têde jiyana xwe ji dest dabûn de daxuyanî dan. Nûnerên partî û tevgerên navborî tevlî daxuyaniyê bûn. Di daxuyaniyê de ji bo cangoriyên komkujiyê 5 deqe rêz hat girtin. Daxuyanî hem bi kurdî hem jî bi tirkî hat dayîn.
Daxuyaniya bi kurdî ji aliyê Serokê Giştî yê Partiya Komunîst a Kurdistanê (KKP) Sînan Çîftyurek ve hat xwendin û daxuyaniya tirkî jî ji aliyê Hevseroka Giştî ya BDP'ê Salîha Aydenîz ve hat xwendin.
'DIVÊ CUDAHÎ LI PÊŞIYA YEKTIYÊ NEBIN ASTENG'
Sînan Çîftyurek, diyar kir ku sedemên girîng ên êriş û komkujiyên li dijî kurdan parçebûne wan û li dijî êriş û komkujiyan banga yekitiyê partî û tevgerên kurdan kir û ev tişt got: "Divê her partî, sazî û dezgeyên Kurd di vî warî de berpirsiyariyên xwe bi cih bînin û barê yekitiyê bidin ser milê xwe. Mebesta me ya sereke divê bercewendiyên netewî bin. Ji aliye birdoziyê ve helbet di nav me kurdan de cudahî hene lê divê ev cudahî bibin pir rengiyên Kurdistanê û li hember yekitiyê nebe asteng."
DEQEKE REŞ E
Tevahiya daxuyaniyê wiha ye:
"Komkûjiya 16’ê Adara sala 1988 qetlîama pêşeroja miletê kurd bû. Ew êşa wê rojê ku li kurdistanê rûda nayê jibîrkirin. Ev kerasetek wiha bû deqake reş di dîroka mirovatiyê de. Dîrokzanan nivîsandina rûdana wê rojê şerm di kirin, destê wan di lerizi.
Di 16'ê Adara 1988'an de, 12 hezar Kurd ji alî hikûmeta Baas û Sedam Huseyîn ve li başûrê Kurdistanê bi çekên kîmyewî hatin qetilkirin. Ev roj roja bîranîna komkujiyê ye ku di çarçoveya Operasyona Enfalê de; li bajarên kurdan, bi taybetî Helebçeyê, pêk hatiye. Ên ku vê komkujiyê pêk anîn û bûn sebebê vê roja reş li hember têkoşina gel a bi biryar têk çûn, dîrokê nîşanê me da ku bi qetliam; zext û zordariyê, ji bo demekê, têkoşîna azadiyê dikare bê tepisandin lê nikare bê astengkirin.
DAIŞ BÛ ŞIRÎKÊ TÊKÇÛNA BAAS'Ê
Çeteyên DAİŞ'ê yên ku li himber êzidiyan komkujî pêk anîn jî vê rastiyê tecrube kirin û bûn şirîkê têkçûyina Sedam û rejîma Baasê. Ligel van tecrubeyan ev zihniyet, bi êrîşên dagirkeriyê yên li ser Rojava û Başûrê Kurdistanê û bikarnîna çekên kîmyewî yên li çiyayên Kurdistanê hê jî didome. Sedemên girîng ên van êriş û qetlîamên ku di serdemên cuda yên dîrokê her tim derdikevin pêşiya me ji parçebûyina kurdan e. Li hember van êrîşan gele Kurd bi têkoşîn û berxwedanên bêhempa bû xwediyê gelek destkeftiyên girîng. Ji bo ku em van destkeftiyan biparêzin pêdiviya me bi avakirina yekitiya netewî heye.
DIVÊ MEBESTA ME YA SEREKE BERJEWENDIYÊN NETEWÎ BIN
Ji bo vê yeke jî divê her partî, sazî û dezgeyên Kurd di vî warî de berpirsiyariyên xwe bi cih bînin û barê yekitiyê bidin ser milê xwe. Mebesta me ya sereke divê bercewendiyên netewî bin. Ji aliye birdzoziyê ve helbet di nav me Kurdan de cudahî hene lê divê ev cudahî bibin pir rengiyên Kurdistanê û li hember yekitiyê nebe asteng. Di vê serdemê de li ber çavên me şereke hegomonîk diqewime. Weke her gav mexdûrê vî şerî jî dîsa gel in. Mirin, koçberî, zilm û zordariya li ser gelan a di vî şerî de careke din qetlîamên ku li Kurdistanê pêk hatine tîne bîra me. Bi hêviya ku aşitiyeke mayinde li tevahiya cîhanê pêk were em careke din komkujiya Helepçê şermezar dikin û şehîdên Komkujiya Helepçê bi rêzdarî bi bîr tînin.
EM ÊDÎ DESTÛR NADIN
Û em qet derfetê nadin ku êdî zarokên me weke zarokên li Helepçeyê bi bihna sêva hilma xwe a dawî dan û bi guleyên topan jiyana xwe ji dest dan. Piştî vê qetlîamê divê kurd tekoşer bin da ku bîhna sêva li çiyayên Kurdistanê nêrgizan şîn bikê û dengê topên wê rojê bi zîvirîne dengê sirûda azadiya Kurdistanê."