ENQERE - Di Doza Kobanê de serokê dadgehê yê ku mîkrofona siyasetmedaran girt û gotinên derasî girtekê nekir, mafê axaftinê da parêzerên muştekî. 

 

Danişîna 8’emîn a Doza Kobanê di roja çaremîn de li 22’yemîn Dadgeha Cezayê Giran a Enqereyê ku li Kampûsa Girtîgeha Sîncanê berdewam dike. Hevserokên Giştî yên HDP’ê yên berê Selahattîn Demîrtaş û Fîgen Yuksekdag, endamên Desteya Rêveberiya Navendî (MYK) a HDP’ê yên berê jî di nav de 21 jê girtî 108 siyasetmedar ji vê dozê tên darizandin. Parêzer, malbatên girtiyên tên darizandin û parlamenter û rêveberên HDP’ê dozê dişopînin. 

 

Siyasetmedarên girtî tên darizandin û li Girtîgeha Sîncanê tên ragirtin siyasetmedarên din ên girtî jî ji girtîgehê lê bûn bi rêya SEGBÎS’ê beşdarî danişînê bûn. 

 

AYSEL TUGLUK WÊ SEWQÎ ATK’Ê BIKIN 

 

Serokê dadgehê derbarê ewraqên li dosyeyê hatine barkirin agahî da û diyar kir ku dê siyasetmedara Kurd Aysel Tûglûk a li Girtîgeha Kandiraya Kocaeliyê ya Jimara 1’an a Tîpa F’yê tê girtin û rewşa wê ya tenduristiyê nebaş dibe, wê sewqî Saziya Tipa Edlî bikin. 

 

BELGE NEDANE 

 

Danişînê bi tespîta nasnameyan dest pê kir. Endama MYK’a HDP’ê ya berê Zeynep Olbecî mafê axaftinê girt û bi kurdî axivî û got hemûyê dosyeya dozê ji bo wê nehatiye şandin. Olbecî got ew ji bo parastinê amadekariyê xwe dike û ji bo parastinê li benda hard dîskane ku bigihîjin ber destê wê. 

 

Olbecî anî ziman ku mafê xwe yê bêdengiyê bi kar neaniye û got: “Ev salek e ez di girtîgehê de me. Rewşeke ku ez bikaribim mafê xwe yê bêdengiyê bi kar bînim tune ye, ez ê xwe biparêzim. Dadgeh çiqasî ji rewşa girtîgehan haydar e, ez nizanim, lê ji ber ku hin belgeyên ku parêzerên min anîne divê di komîsyona xwendinê de derbas bibin, nedan min. Dema ku min parêznameya xwe amade kir ez ê parastina xwe bikim.” 

 

POLÎTÎKAYA DEWLETÊ 

 

Olbecî bal kişand ser zêdebûna binpêkirinên mafan û mirina li girtîgehan û got: “Di van demên dawî de hevalên me yên ku li girtîgehan bi guman û ji ber nexweşiyê jiyana xwe ji dest dane, hene. Ez van polîtîkayan şermezar dikim. Sedem çi dibe bila bibe, encama siyaseta sîstematîk a dewletê ye. Ev mirinên bi guman çawa pêk hatin? Malbat çima nebirin otopsiyê? Di mijarên herî girîng de jî pirsgirêk derdikevin. Hevalên me yên ku nekarîn jiyana xwe ji dest bidin ji bo dermankirinê anîn vir, lê nayên dermankirin. Ji ber vê yekê ez bang li Wezîrê Dadê dikim. Ez bang li saziyên mafên mirovan dikim ku werin vir. Ew ji bo me pandemiyê wekî hincet bikar tînin, lê ew ji malbatên me re jî dibin sedema gelek tengasiyan. Ew di nav cilên xwe de tevlihev dibin. Em vê nêzîkatiyê qebûl nakin û şermezar dikin.”

 

DAXWAZNAME DI GIRTEKÊ DE NÎN IN 

 

Pişt re parêzer Alî Bozan axivî û diyar kir ku daxwaznameyên îtîraza navberê ji dadgehêr e şandine di girtekê de cih nagire û ew dixwazin ev daxwazname cih bigirin. 

 

DERBASÎ BEYANÊN MUŞTEKÎ BÛ 

 

Serokê dadgehê li ser berteka parêzeran biryara navberê ava kir û bi hinceta ku îtîraza parêzeran a ji bo biryara navberê di nav CMK'ê de cih negirtiye, derbarê daxwazê de biryara navberê ava nekir. 

 

Parêzerên dozê xwestin derbarê biryara navberê ku hat avakirin mafê axaftinê werbigirin û gotin: “Daxwaza me ya gotinê heye. Rêbazek wisa tune. Hûn nivîsên ji girtîgehan di rûniştina dozê de nabînin an jî wekî nerast nîşan didin.” 

 

Serokê dadgehê axaftina parêzeran birî û axaftina parêzeran bi şiklê “Tevgerên ku wê pergalê xera bikin” derbasî girtekê kir. 

 

LI DIJÎ RÊGEZÊ TÊ TEVGERANDIN 

 

Parêzerên îtîrazî helwesta dadgehê kirin û xwestin biaxivin. Parêzeran diyar kirin ku dadgeh li gorî binpêkirina rêgezê tevgeriya ye û  gotin, “Hûn îfadeyên gilîker bi awayekî nehiqûqî derbas dikin. Rêbazek wiha tune." Serokê dadgehê ku mîkrofonên parêzerên dozê girt, gotina xwe da parêzerên gilîker. 

 

Serokê dadgehê xwe ji parêzerên dozê xeyidand û dengê xwe bi ser eywana danişînê xist û îdia kir ku dadgeh li gorî rêgezê darizandinê dike. 

 

‘HÎN JI ÇI DITIRSIN?’

 

Parêzerên dozê bertek nîşanî serokê dadgehê dan û gotin, “Hûn ji çi ditirsin? Çima hûn mîkrofona me venakin? Çima hûn bersiva pirsên me nadin? We piştî her sohbeta me mafê axaftinê da aliyê din, çima hûn gotinekê nadin me?”

 

Serokê dadgehê yê ku mîkrofona siyasetmedaran girt û mafê axaftinê da parêzerên gilîkeran ango muştekî. 

 

‘HÛNÊ BI NAVÊ NEWÊREKIYÊ WERIN NASÎN’ 

 

Parêzerên dozê ku li dijî serokê dadgehê îtîraz kirin gotin, “Hûn wek Dadgeha Cezayê Giran a 22’yemîn a Enqereyê ku dosyeya komploya Kobanê meşand, hûn ê wekî komîteyeke ku cesareta nivîsandinê nebû bikeve dîrokê û navê we newêrek were nasîn. Rastiyên ku di danişînê de hatin axaftin di protokolê de hatin eşkerekirin."

 

GOTINÊN PARÊZERAN DERASÎ GIRTEKÊ NEKIRIN 

 

Serokê dadgehê ku daxwaza parêzeran a mafê axaftinê derbasî girtekê nekir, zext li parêzerên gilî kir ku bi zorê mafê axaftinê bigirin. Serokê dadgehê bi qîr li parêzerên dozê kir û got: "Hûn çi dixwazin çi?" Parêzerên dozê diyar kirin ku danişîn ne hiqûqî ye û xwestin careke din biaxivin. 

 

Serokê dadgehê ji ber parêzerê muştekî ne amade bû mafê axaftinê da siyasetmedara girtî Ayla Akat Ata. 

 

Danişîn bi axaftina Ata berdewam dike.